''അമ്മ എന്ന സിനിമാ തറവാട്ടിലെ അടുക്കള കോലായില് ആജ്ഞകള് അനുസരിച്ച് ജീവിക്കാനുള്ളവരല്ല അവരെന്നു തെളിയിച്ചിരിക്കുന്നു. തണുത്തുറഞ്ഞ ആണത്വത്തിനുമേല് ഇതു മലയാള സിനിമയില് നിലപാടുകള് ഉള്ളവരുടെ പെണ്ണത്വം.''- ദിലീപിനെ തിരിച്ചെടുക്കാനുള്ള അമ്മയുടെ നിലപാടില് പ്രതിഷേധിച്ച് സംഘടനയില്നിന്നു രാജിവച്ച യുവനടിമാര്ക്കു പിന്തുണയുമായി ഫെയ്സ്ബുക്കില് പ്രത്യക്ഷപ്പെട്ട പോസ്റ്റാണിത്.
പോസ്റ്റും െകെയടികളും കൊള്ളാം. എന്നാല് ഈ യുവനടിമാരുടെ സിനിമാഭാവി ഇനിയെന്താണെന്നാണു ഉയരുന്ന ചോദ്യം. അമ്മയെയും, സൂപ്പര്താരങ്ങളെയും വണങ്ങി നിന്നാല് സിനിമയില് വാഴാം എന്നതാണു സ്ഥിതി. അല്ലെങ്കില് ചവിട്ടി താഴ്ത്തും. തന്റെ സിനിമയില് അഭിനേതാക്കളെ മാത്രമല്ല ജൂനിയര് അഭിനേതാക്കളെയും വേണ്ടിവന്നാല് സംവിധായകരെയുംവരെ തീരുമാനിക്കുന്നത് സൂപ്പര് താരങ്ങളാണ്. െ€െമാക്സ് എങ്ങനെ ചിത്രീകരിക്കണം, പാട്ടു സീന് എവിടെ വേണം എന്ന തീരുമാനവും എടുക്കുന്നത് ഇവര് തന്നെ. കൂടെ വണങ്ങി നില്ക്കുന്നവര്ക്കു മാത്രമെ പടത്തില്, വാലായി അവസരമുണ്ടാകു. അല്ലാത്തവരെ ചവിട്ടിതാഴ്ത്തുമെന്നതാണു സ്ഥിതി. ഇത്തരത്തില് ചവിട്ടിതാഴ്ത്തപ്പെട്ടവര് നിരവധിയാണ്.
പലരും ഭയന്നു ഇന്നും ഒന്നും പുറത്തുമിണ്ടുന്നില്ല. മലയാളത്തിലെ പ്രമുഖ നടനായിരുന്ന തിലകനില് തുടങ്ങി ഒരുപിടിയാളുകള് സൂപ്പര്താര നിലപാടുകള്ക്കൊണ്ട് സിനിമകളില് നിന്നൊഴിവാക്കപ്പെട്ടവര് നിരവധിയാണ്. അമ്മ സംഘടന ഒരു കോടാലിയാണെന്നു തുറന്നു പറഞ്ഞ തിലകനു പിന്നീട് കുറച്ചുകാലത്തേക്കു സിനിമകള് ഒന്നുംതന്നെ ഉണ്ടായിരുന്നില്ല. സംഘടനയില്നിന്നു പുറത്താക്കുകയും പല സിനിമകളിലും നിന്നൊഴിവാക്കുകയും ചെയ്തു. അമ്മ യോഗത്തില് ദിലീപും തിലകനുമായി പരസ്പരം വാക്പോരും നടന്ന സാഹചര്യമുണ്ടായി. പിന്നീട് തിലകന് സിനിമയില്നിന്നു മാറ്റിനിര്ത്തപ്പെടുന്ന കാഴ്ചയാണു ഉണ്ടായത്. ഇതിനു പിന്നാലെ സോഹന് റോയിയുടെ സിനിമ, ക്രിസ്ത്യന് ബ്രദേഴ്സ് ഉള്പ്പടെയുള്ള സിനിമകളില് നിന്ന് തിലകന് ഒഴിവാക്കപ്പെട്ടു തിരികെ നാടകങ്ങളിലേക്കും സീരിയലിലേക്കുമൊക്കെ ചുവടുമാറ്റം നടത്തേണ്ട അവസ്ഥയുമുണ്ടായി മഹാനടന്.
മിമിക്രിയില് ദിലീപിന്റെ തലതൊട്ടപ്പനായിരുന്ന നടനും കോക്കസുകളില് പെട്ട് അവസരങ്ങള് നഷ്ടമായിട്ടുണ്ട്. ഇത് അദ്ദേഹം പലപ്പോഴും തുറന്നുപറഞ്ഞിട്ടുമുണ്ട്. പട്ടാളക്കാരനായി മലയാളസിനിയിലെത്തിയ നടനും ഇത്തരത്തില് ചില അനിഷ്ടങ്ങളുടെ പേരില് സിനിമയില്നിന്നു അപ്രഖ്യാപിത വിലക്ക് നേരിടേണ്ടിവന്നിട്ടുണ്ട്. പക്ഷേ ഇവരൊന്നും പരസ്യപ്രതികരണങ്ങള്ക്കു തയാറായില്ലെന്നു മാത്രം. നടന്മാര് മാത്രമല്ല സംവിധായകരും ഇത്തരം സൂപ്പര് ലോബികളില്പെട്ട് നട്ടം തിരിയുകയും പുറത്തുപോകുകയും ചെയ്തു.
അമ്മയില് കോക്കസുണ്ടെന്നു പറഞ്ഞ വിനയനെയും സിനിമയില്നിന്നൊഴിവാക്കാന് നീക്കം നടന്നിരുന്നു. അമ്മയെ നിയന്ത്രിക്കുന്നത് ഒരു കോക്കസാണെന്നു നേരത്തെയും ആരോപണം ഉയര്ന്നിരുന്നു. ഇവരുടെ തീരുമാനപ്രകാരമാണു സംഘടന മുന്നോട്ടു പോകുന്നതെന്നാണു ആരോപണം. ഈ കോക്കസിനെതിരേ നിലപാട് എടുക്കുന്നവരെ അവസരങ്ങള് നഷ്ടമാക്കി ഇല്ലാതാക്കാനാണു ശ്രമം നടത്തുന്നത്. സൂപ്പര് താരത്തിനെതിരേയും അമ്മ സംഘടനയ്ക്കും എതിരായി പറഞ്ഞ മറ്റൊരു സംവിധായകന് തന്റെ സിനിമയ്ക്കുവേണ്ടി തിയറ്ററില്ലാതെ അലഞ്ഞതു സിനിമാരംഗത്തു പാട്ടാണ്.
ആക്രമിക്കപ്പെട്ട നടിയും തന്റെ രാജിക്കുറുപ്പില് മുമ്പും ദിലീപ് തന്റെ അവസരങ്ങള് ഇല്ലാതാക്കിയെന്നും സൂചിപ്പിച്ചിരുന്നു. അമ്മ സംഘടനയ്ക്കെതിരേ വിമന് ഇന് കലക്ടീവ് സംഘടനയില് സജീവമായ മറ്റൊരു നടിയും സിനിമയില്ലാത്ത സ്ഥിതിയിലാണ്. എന്നാല് വണങ്ങി നിന്നവരെ വാഴ്ത്തുന്ന സ്വഭാവമുണ്ട്. ദിലീപിനുവേണ്ടി ചാനല് ചര്ച്ചകളില് വാദിച്ച ഒരാള് ഇപ്പോള് സിനിമ സംവിധാനം ചെയ്യാന് പോകുന്നതാണു ഇതില് ഏറ്റവും ഒടുവിലത്തേത്.
