കണ്ണൂര്: മിശ്ര ദമ്പതിമാരായ ഹാരിസണ്-ഷഹാന ദമ്പതികള്ക്ക് ഒരുമ്മിച്ച് ജീവിക്കാമെന്ന് കണ്ണൂര് മജിസ്ട്രേറ്റ് കോടതി. പെണ്കുട്ടിയെ കാണാനില്ലെന്ന വീട്ടുകാരുടെ പരാതിയെ തുടര്ന്നാണ് ഷഹാനയെ കോടതിയില് ഹാജരാക്കിയത്. മിശ്ര വിവാഹിതരായ തങ്ങള്ക്ക് എസ്ഡിപിഐ യുടെ വധഭീഷണിയുണ്ടെന്ന് ആരോപിച്ചുള്ള ഇരുവരുടെയും ഫെയ്സ്ബുക്ക് ലൈവ് വൈറലായിരുന്നു.
കണ്ണൂര് പാപ്പിനിശേരി സ്വദേശിനിയായ ഷഹാനയും തിരുവനന്തപുരം ആറ്റിങ്ങല് സ്വദേശിയായ ഹാരിസണും കഴിഞ്ഞ ദിവസമാണ് വിവാഹിതരായത്. ഇന്ന് കോടതിയഇല് ഹാജരാക്കിയ ഇരുവര്ക്കുമൊപ്പം സിപിഎം പ്രവര്ത്തകരും ഷഹാനയുടെ ബന്ധുക്കളും കോടതിയില് എത്തിയിരുന്നു. ഹാരിസണിനൊപ്പം പോകണമെന്ന ഷഹാനയുടെ ആഗ്രഹം കോടതി അംഗീകരിക്കുകയായിരുന്നു. പോലീസ് സംരക്ഷണത്തിലാണ് ഇരുവരും കോടതിയില് എത്തിയത്. എന്നാല് ഷഹാനയുടെ ബന്ധുക്കളുടെയും എസ്ഡിപിഐ പ്രവര്ത്തകരുടെയും ഭീഷണിയുണ്ടെന്ന ആരോപണം ബന്ധുക്കള് തള്ളി.
