ഡല്ഹി:ഇന്ത്യയില് ബുള്ളറ്റ് ട്രെയിന് പദ്ധതി സാക്ഷാത്കരിക്കാന് പ്രധാനമന്ത്രി നരേന്ദ്രമോദി വേണ്ടിവന്നുവെന്ന് റെയില്വെ മന്ത്രി പീയൂഷ് ഗോയല്. മുന് സര്ക്കാരിന്റെ രാഷ്ട്രീയ പ്രശ്നങ്ങള് കാരണമാണ് ബുള്ളറ്റ് ട്രയിന് പദ്ധതി വൈകിയതെന്ന് അദ്ദേഹം ആരോപിച്ചു. രാഷ്ട്രീയ കാരണങ്ങള്ക്കൊണ്ട് അന്പതു വര്ഷത്തോളം കാലതാമസം എടുത്തുവെന്നും അദ്ദേഹം വിമര്ശനം ഉയര്ത്തി.
സ്ത്രീകള്ക്കും പുരുഷന്മാര്ക്കും പ്രത്യേക ശൗചാലയങ്ങള് നടപ്പിലാക്കുക, റെയില്വെ സ്റ്റേഷനുകളുടെ നവീകരണം, തുടങ്ങിയവയ്ക്കാണ് സര്ക്കാര് പ്രഥമ പരിഗണന നല്കുന്നതെന്നും ലോകസഭയിലെ ചോദ്യത്തിന് മറുപടി നല്കി.
ലോകനിലവാരത്തിലുള്ള സാങ്കേതിക സൗകര്യങ്ങള് ഇന്ത്യന് ജനതയ്ക്ക് നല്കുക എന്നതാണ് നരേന്ദ്രമോദിയുടെ സ്വപ്നമെന്നും 'മെയ്ക്ക് ഇന് ഇന്ത്യ' പദ്ധതി ഇതിന് സഹായകരമാകുമെന്നും അദ്ദേഹം കൂട്ടിച്ചേര്ത്തു.
