കേരളം കണ്ട ഏറ്റവും വലിയ പ്രളയത്തില് പെട്ട് വീട്ടിലും ക്യാമ്പിലുമായി അനേകര് ദുരിതക്കയത്തില് പ്രതിസന്ധി അനുഭവിക്കുമ്പോള് സഹായം തേടി മലയാളികള് ലോകപ്രശസ്ത ഫുട്ബോള് താരം ക്രിസ്ത്യാനോ റൊണാള്ഡോയ്ക്കും ഐടി ഭീമന് ബില്ഗേറ്റ്സിനും പിന്നാലെ. ഫുട്ബോൾ താരം ക്രിസ്റ്റിയാനോ റൊണാൾഡോയുടെ പേജിലും ദുരിതാശ്വാസ സഹായം അഭ്യർത്ഥിച്ചിരിക്കുകയാണ് മലയാളികൾ.
സ്റ്റാന്ഡ് വിത്ത് കേരളാ എന്ന ഹാഷ്ടാഗോട് കൂടിയാണ് അഭ്യര്ത്ഥന. കനത്ത മഴയിൽ എല്ലാം നഷ്ടപ്പെട്ട അവസ്ഥയിലായ കേരളത്തിലുള്ളവര്ക്ക് താങ്കളുടെ സഹായം ആവശ്യമുണ്ടെന്നും താങ്കള്ക്ക് അനേകം ആരാധകര് ഇവിടെയുണ്ടെന്നുമാണ് പലരും കമന്റിട്ടിരിക്കുന്നത്. റൊണാള്ഡോയുടെ ഫാമിലിക്ക് ഫോട്ടോയ്ക്ക് താഴെയാണ് കമന്റുകള്. നേരത്തേ കേരളത്തിന്റെ ദുരിതത്തിനൊപ്പം നിലക്കുന്നതായി ലാലിഗയും ബാഴ്സിലോണയും ഇംഗ്ലീഷ് പ്രീമിയര്ലീഗ് ക്ലബ്ബുകളായ ലിവര്പൂളും ചെല്സിയുമെല്ലാം രംഗത്ത് വന്നിരുന്നു.
ലോകത്തെ ഏറ്റവും വലിയ ധനികനായ മൈക്രോസോഫ്റ്റിനോടും മലയാളികള് സഹായം അഭ്യര്ത്ഥിച്ചിട്ടുണ്ട്. സാമൂഹ്യപ്രവർത്തകനും മൈക്രോസോഫ്റ്റ് ചെയർമാനും അമേരിക്കൻ വ്യവസായിയുമായ ബിൽ ഗേറ്റ്സിന്റെ പേജിലും അനേകം മലയാളികള് എത്തിയിട്ടുണ്ട്. 'കേരള നീഡ്സ് യുവർ സപ്പോർട്ട്, സ്റ്റാൻഡ് വിത്ത് കേരള, കേരള ഫ്ലഡ്സ്, നീഡ് യുവർ ഹെൽപ്' എന്നീ ഹാഷ്ടാഗുകളുമായാണ് സഹായാഭ്യർത്ഥന.
''സർ ഇന്ത്യയിലെ കേരള സംസ്ഥാനം പ്രളയക്കെടുതിയിലാണ്. ഞങ്ങൾക്ക് താങ്കളുടെ സഹായം ആവശ്യമുണ്ട്. കേരളത്തിന് വേണ്ടി എന്തെങ്കിലും ചെയ്യാൻ താങ്കൾക്ക് സാധിക്കുമോ? നിരവധി ആളുകളാണ് ദുരിതാശ്വാസ ക്യാമ്പുകളിലുള്ളത്. ഞങ്ങളുടെ സർക്കാരിന് സാമ്പത്തിക സഹായവും അവശ്യവസ്തുക്കളുടെ സഹായവും ആവശ്യമുണ്ട്.'' എന്നിങ്ങനെ സഹായ അഭ്യർത്ഥനയുടെ പ്രവാഹമാണ് ബിൽ ഗേറ്റ്സിന്റെ പേജുകളിൽ. 2008 ഒഴികെ 1995 മുതൽ 2009 വരെയുള്ള കാലയളവിൽ ലോകത്തെ ഏറ്റവും വലിയ ധനികനായിരുന്നു ബില്ഗേറ്റ്സ്.
