സാന് ഫ്രാന്സിസ്ക്കോ: ഐഫോണ് XSന്റെ ലോഞ്ചിനോടനുബന്ധിച്ച് സംഘടിപ്പിച്ച പരിപാടിക്കിടയില് വന് കൊള്ള നടന്നു. 12 മണിക്കൂറിനുള്ളില് രണ്ട് തവണയാണ് സ്റ്റോര് കൊള്ളയടിച്ചത്. കാലിഫോര്ണിയയിലെ പാലോ ആള്ട്ടോ ആപ്പിള് സ്റ്റോറിലാണ് സംഭവം. പതിനായിരക്കണക്കിന് രൂപ വില വരുന്ന ഇലക്ട്രോണിക്ക് ഉപകരണങ്ങള് മോഷണം പോയതായി സ്റ്റോര് അധികൃതര് പറഞ്ഞു.
ഐഫോണ് XS, ഐഫോണ് XSമാക്സ് തുടങ്ങിയ വിവിധ മോഡലുകള് ഉള്പ്പെടെ നാല് ലക്ഷം രൂപ വില മതിക്കുന്ന ഡെമോ ഐഫോണ് മോഡലുകളാണ് മോഷണം പോയത്. ശനിയാഴ്ച്ച രാത്രി ഏഴ് മണിയോടെയാണ് സ്റ്റോര് ആദ്യം കൊള്ളയടിക്കുന്നത്. രണ്ട മോഷണങ്ങളില് നിന്നുമായി ഏകദേശം 77 ലക്ഷത്തോളം രൂപ വിലമതിക്കുന്ന ഇലക്ട്രോണിക്ക് ഉപകരണങ്ങളാണഅ സ്റ്റോറില് നിന്നും മോഷണം പോയതെന്ന് പോലീസ് പറഞ്ഞു.
ആദ്യ മോഷണത്തിന് തൊട്ടു പിന്നാലെ മണിക്കൂറുകള്ക്കുള്ളില് തന്നെ അടുത്ത മോഷണവും നടന്നു. മോഷണത്തിനു ശേഷം പ്രതികള് വ്യത്യസ്ത വാഹനങ്ങളിലായി രക്ഷപ്പെടുകയായിരുന്നു. സംഭവുമായി ബന്ധപ്പെട്ട് എട്ട് നിരീക്ഷണത്തിലാണെന്നും പോലീസ് പറഞ്ഞു.
