പ്രളയത്തെ അതീജിവിക്കുന്നതിനായി സംസ്ഥാന സര്ക്കാര് ആവിഷ്കരിച്ച സാലറി ചലഞ്ചിനെ പരിഹസിച്ചുകൊണ്ട് അഭിഭാഷകനും രാഷ്ട്രീയ നിരീക്ഷകനുമായ അഡ്വക്കേറ്റ് ജയശങ്കര് രംഗത്ത്. ബ്രൂവറി ചലഞ്ചിനു പിന്നാലെ സാലറി ചലഞ്ചും ഒരു വഴിക്കായി എന്നു തുടങ്ങുന്ന ഫേസ്ബുക്ക് പോസ്റ്റില് സംസ്ഥാന സര്ക്കാറിനെ അതിരില്ലാതെ പരിഹസിക്കുകയാണ്. വിസമ്മത പത്രം നല്കാത്തവരുടെ ശമ്പളം പിടിച്ചു പറിക്കും എന്ന വ്യവസ്ഥ ഹൈക്കോടതി സ്റ്റേ ചെയ്തു. എന്നു മാത്രമല്ല, ആത്മാഭിമാനം ഇല്ലാതെ ജീവിക്കുന്നതിലും ഭേദം ആയിരം വട്ടം മരിക്കുന്നതാണ് എന്നൊരു കുത്തുവാക്കും പാസാക്കിയെന്നും അദ്ധേഹം ഫേസ്ബുക്കില് കുറിക്കുന്നു.
ഫേസ്ബുക്ക് പോസ്റ്റിന്റെ പൂര്ണരൂപം
'ബ്രൂവറി ചലഞ്ചിനു പിന്നാലെ സാലറി ചലഞ്ചും ഒരു വഴിക്കായി.
വിസമ്മത പത്രം നല്കാത്തവരുടെ ശമ്പളം പിടിച്ചു പറിക്കും എന്ന വ്യവസ്ഥ ഹൈക്കോടതി സ്റ്റേ ചെയ്തു. എന്നു മാത്രമല്ല, ആത്മാഭിമാനം ഇല്ലാതെ ജീവിക്കുന്നതിലും ഭേദം ആയിരം വട്ടം മരിക്കുന്നതാണ് എന്നൊരു കുത്തുവാക്കും പാസാക്കി.
ദേവസ്വം ബോര്ഡുകളിലെയും സഹകരണ സംഘങ്ങളിലെയും സാലറി ചലഞ്ച് ഹൈക്കോടതി നേരത്തെ തന്നെ സ്റ്റേ ചെയ്തിരുന്നു. എയ്ഡഡ് സ്കൂള്, പ്രൈവറ്റ് കോളേജ് അധ്യാപകര് മുക്കാലും ധൈര്യസമേതം നോ പറഞ്ഞു.
സാലറി ചലഞ്ച് പാളീസായെന്നു കരുതി ഖേദിക്കാനില്ല. മുഖ്യമന്ത്രി നയിക്കുന്ന ബക്കറ്റ് ചലഞ്ച് ഒക്ടോബര് 17മുതല് വിവിധ വിദേശ രാജ്യങ്ങളില് അരങ്ങേറുകയാണെന്നും ജയശങ്കര് പരിഹസിക്കുന്നു.
