പമ്പ: ശബരിമല ദര്ശനത്തിന് ഇന്ന് പോകാനെത്തിയത് അഞ്ച് യുവതിക്ള്. ആന്ധ്രയില് നിന്നും നാല് യുവതികളും കോട്ടയം സ്വദേശി ബിന്ദുവുമാണ് മല കയറണം എന്ന് ആവശ്യവുമായി പോലീസിനെ സമീപിച്ചത്.
ശബരിമല ദര്ശനത്തിന് ഇന്ന് പോകാനെത്തിയ കോട്ടയം സ്വദേശി ബിന്ദു ശ്രമം ഉപേക്ഷിച്ചു മടങ്ങുന്നു. മുണ്ടക്കയം പോലീസ് സ്റ്റേഷനില്നിന്നു അല്പ്പസമയത്തിനകം ബിന്ദു പോലീസ് ജീപ്പില് ഈരാറ്റുപേട്ടയില് എത്തും. അവിടെന്നിന്നും ബസില് മടങ്ങാനാണു തീരുമാനം. മുണ്ടക്കയത്ത്
ഹൈന്ദവ സംഘടനാ പ്രവര്ത്തകര് ഉപരോധം നടത്തുകയാണ്. ഇവരെ നീക്കം ചെയ്ത ശേഷമാണഅ ബിന്ദുവിനെ ഈരാറ്റുപേട്ടയ്ക്കു കൊണ്ടുപോയത്.
രാവിലെ എരുമേലി സ്റ്റേഷനില് എത്തി ബിന്ദു സംരക്ഷണം ആവശ്യപ്പെട്ടിരുന്നു. തുടര്ന്നു മുണ്ടക്കയം സ്റ്റേഷനിലേക്ക് ഇവരെ മാറ്റി. അവിടെ ബിജെപി പ്രവര്ത്തകര് ഉപരോധിച്ചു. പോലീസ് വാഹനം തടഞ്ഞു. വീണ്ടും എരുമേലിയിലേക്കു മടങ്ങിയെങ്കിലും സുരക്ഷാ മുന്നിര്ത്തി മുണ്ടക്കയം സ്റ്റേഷനിലേക്കു ഇവരെ മാറ്റുകയായിരുന്നു. ഇവിടെയും ബിജെപി പ്രവര്ത്തകര് ഉപരോധിച്ചു. തുടര്ന്നാണ് ബിന്ദു മടങ്ങാന് സന്നദ്ധത പ്രകടിപ്പിച്ചത്.
ആന്ധ്രയിലെ ഏലൂരുവില് നിന്നുള്ള നാലു യുവതികളും ഇന്നു മല കയറാന് ശ്രമിച്ചു. ആന്ധ്രക്കാര് മല കയറിയെങ്കിലും പ്രതിഷേധം ശക്തമായതോടെ പാതിവഴിക്കു തിരിച്ചിറങ്ങുകയായിരുന്നു. സംഘത്തില് 3 പേരെ ചെളിക്കുഴിയില് നിന്ന് ഗുരുസ്വാമിമാരുടെ സംഘമാണ് തിരിച്ചയച്ചത്. ഇവരില് ഒരാള് തല മറച്ചാണ് നീലിമല വരെയെത്തിയത്. എന്നാല് അയ്യപ്പ കര്മ സമിതി പ്രതിഷേധവുമായി എത്തിയതോടെ ഇവര് തിരിച്ചിറങ്ങുകയായിരുന്നു.
ശബരിമലയില് യുവതീപ്രവേശം അനുവദിച്ചുള്ള സുപ്രീംകോടതി വിധിക്കെതിരെ നല്കിയ റിട്ട് ഹര്ജി പരിഗണിക്കുന്നതില് ചൊവ്വാഴ്ച തീരുമാനമെടുക്കും. വിധി റദ്ദാക്കണമെന്ന ആവശ്യപ്പെട്ടു നല്കിയ ഹര്ജിയാണ് പരിഗണിക്കുക. ദേശീയ അയ്യപ്പഭക്തജന കൂട്ടായ്മയാണ് കോടതിയെ സമീപിച്ചത്.
ശബരിമലയിലേക്ക് എത്തുന്നതിനായി ശബരി എക്സ്പ്രസില് യുവതികളെത്തുന്നതായ് വിവരമുണ്ടായിരുന്നു. ഇതേതുടര്ന്ന് പോലീസ് ചെങ്ങന്നൂര് റെയില്വേ സ്റ്റേഷനില് സുരക്ഷ ശക്തമാക്കി. യുവതികള് എത്തിയാല് തടയാന് ഭക്തരും സംഘടിച്ചു. എന്നാല് ചെങ്ങന്നൂരില് യുവതികളായ ഭക്തര് എത്തീയിരുന്നില്ല.
