ലോകത്ത് അനേകം ഉപയോക്താക്കളുള്ള ഏറ്റവും വലിയ സാമൂഹ്യമാധ്യമങ്ങളായ ഫേസ്ബുക്കും ഇന്സ്റ്റാഗ്രാമും ഈ മാസം രണ്ടാം തവണയും മണിക്കൂറുകളോളം പണിമുടക്കി. ലോകത്തുടനീളമുള്ള അനേകം ഉപയോക്താക്കള്ക്ക് ഫേസ്ബുക്കിലും മെസഞ്ചറിലും ഇന്സ്റ്റാഗ്രാം പേജുകളിലും സ്റ്റാറ്റസ് ടൈറ്റിലുകളോ പോസ്റ്റോ ചെയ്യാനോ മറ്റ് കാര്യങ്ങള് നിര്വ്വഹിക്കാനോ തടസ്സം നേരിട്ടു.
ന്യൂസ് ഫീഡും അപ്ഡേറ്റ് ചെയ്യാന് ഉപയോക്താക്കള്ക്ക് കഴിഞ്ഞില്ല. പേജില് പലര്ക്കും കിട്ടിയത് ഫേസ്ബുക്കിലേക്ക് സ്വാഗതം എന്നതുള്പ്പെടെയുള്ള മുന്ന് സന്ദേശമായിരുന്നു. അതേസമയം ആന്ഡ്രോയ്ഡിലും ഐഒഎസിലും ആപ്പ് പ്രവര്ത്തിക്കുകയും ചെയ്തു. ഇന്ത്യ, അമേരിക്ക, നെതര്ലന്റ്, പോളണ്ട്, ഫ്രാന്സ് എന്നീ മേഖലകളിലുള്ള അനേകം ഉപയോക്താക്കള്ക്കാണ് തടസ്സമുണ്ടായത്. നേരത്തേ ഈ മാസം ആദ്യവും സമാനമായ രീതിയില് ഫേസ്ബുക്ക് പണി മുടക്കിയിരുന്നു. അന്ന് ചില രാജ്യങ്ങളില് ഇന്സ്റ്റാഗ്രാമും തടസ്സപ്പെട്ടു.
യുഎസ്, യുകെ, ഫ്രാന്സ്, ജര്മ്മനി, മലേഷ്യ, ഇന്തോനേഷ്യ, സിംഗപ്പൂര്, ഹോങ്കോംഗ്, ചൈനയുടെ ഭാഗങ്ങള് എന്നിവിടങ്ങളില് ഇന്സ്റ്റാഗ്രാം പണി മുടക്കിയപ്പോള് ഇന്ത്യയില് പ്രവര്ത്തനം സുഗമമായി നടന്നു. അതേസമയം വെബ്സൈറ്റുകള് തടസ്സപ്പെടുത്തുന്നതിന് മണിക്കൂറുകള്ക്ക് മുമ്പ് മെസഞ്ചറും കിട്ടാതായിരുന്നു. ലോകത്ത് ഉടനീളമുള്ള അനേകം പേര്ക്ക് ലോഗ് ഇന് ചെയ്യാന് കഴിഞ്ഞിരുന്നില്ല. മണിക്കൂറുകള്ക്കകം പ്രശ്നം പരിഹരിക്കുകയും ചെയ്തു.
