ബംഗളുരു: റിസോര്ട്ടില് കഴിയവെ തമ്മിലടിച്ച എം.എല്.എമാരില് ഒരാളെ കോണ്ഗ്രസ് സസ്പെന്ഡ് ചെയ്തു. ജെ.എന് ഗണേഷ് എം.എല്.എയൊണ് സസ്പെന്ഡ് ചെയ്തത്. ഗണേഷും മറ്റൊരു എം.എല്.എയായ ആനന്ദ് സിംഗും തമ്മില് റിസോര്ട്ടില് നടന്ന കയ്യാങ്കളിയില് ആനന്ദിന് ഗുരുതരമായി പരുക്കേറ്റിരുന്നു. മദ്യക്കുപ്പി കൊണ്ടുള്ള അടിയില് പരുക്കേറ്റ ആനന്ദ് സിംഗിന് മുഖത്ത് ഗുരുരമായ പരുക്കുകളാണ് ഏറ്റിരിക്കുന്നത്.
ഇതേതുടര്ന്ന് ഗണേഷിനെതിരെ ആനന്ദ് സിംഗ് പരാതി നല്കിയിരുന്നു. ഇതിന് പിന്നാലെയാണ് കര്ണാടക പി.സി.സി അധ്യക്ഷന് ദിഷേ് ഗുണ്ടു റാവുവിന്റെ നിര്ദ്ദേശ പ്രകാരം ഗണേഷിനെ സസ്പെന്ഡ് ചെയ്തത്. എം.എല്.എമാരുടെ തമ്മിലടി അന്വേഷിക്കാന് മൂന്നംഗ സമിതിയേയും നിയമിച്ചു. ഉപമുഖ്യമന്ത്രി ജി. പരമേശ്വര അധ്യക്ഷനായാണ് മൂന്നംഗ കമ്മറ്റി.
കര്ണാടയില് കോണ്ഗ്രസ്-ജെ.ഡി.എസ് സര്ക്കാരിനെ അട്ടിമറിക്കാന് ബി.ജെ.പി നീക്കം ശക്തമാക്കിയിരിക്കെയാണ് 76 കോണ്ഗ്രസ് എം.എല്.എമാരെ ഈഗിള്ടണ് റിസോര്ട്ടിലേക്ക് മാറ്റിയത്. നിയമസഭാ കക്ഷി യോഗത്തില് പങ്കെടുത്ത എം.എല്.എമാരെയാണ് റിസോര്ട്ടിലേക്ക് മാറ്റിയത്. യോഗത്തില് പങ്കെടുക്കാതിരുന്ന നാല് എം.എല്.എമാര് ബി.ജെ.പിയിലേക്ക് നീങ്ങുകയാണെന്ന് സൂചനയുണ്ട്.
