മലപ്പുറം: പുത്തനത്താണി സി.പി.എ കോളജിലെ ഹോളി ആഘോഷത്തിന്റെ ചിത്രം കഴിഞ്ഞ ദിവസം സോഷ്യല് മീഡിയയില് വൈറലാിരുന്നു. ഹോളി ആഘോഷത്തിനിടെ ദേഹത്ത് കളറാകാതെ ദര്സിലേക്ക് പോകുന്ന മുസ്ലീം വിദ്യാര്ത്ഥിയെ കടത്തി വിടുന്ന ചിത്രമായിരുന്നു അത്. ദയവുചെയ്ത് ദേഹത്താക്കരുതെന്നും ദര്സിലേക്ക് പോകുകയാണെന്നും വിദ്യാര്ത്ഥി പറയുമ്പോള് അവന് സംരക്ഷണമൊരുക്കുന്ന മറ്റ് വിദ്യാര്ത്ഥികളുടെ ചിത്രമായിരുന്നു വൈറലായത്.
സംഘപരിവാര് ഏറെ വിവാദമാക്കിയ സര്ഫ് എക്സല് പരസ്യത്തിന് സമാനമായ യഥാര്ത്ഥ ചിത്രമാണിത്. ഈ ചിത്രത്തിലേക്ക് ശൂലം എഡിറ്റ് ചെയ്ത് കയറ്റി മുസ്ലീം ലീഗിന്റെ മുഖപത്രമായ ചന്ദ്രിക വിവാദത്തില്. ചന്ദ്രികയുടെ ഓണ്ലൈന് എഡിഷനിലാണ് എഡിറ്റ് ചെയ്ത ചിത്രം പ്രസിദ്ധീകരിച്ചത്. ചന്ദ്രികയുടെ വ്യാജ ചിത്രം ചൂണ്ടിക്കാട്ടി നിരവധി പേര് രംഗത്ത് വന്നതോടെ ചിത്രം പിന്വലിക്കുകയായിരുന്നു. പിന്നീട് യഥാര്ത്ഥ ഫോട്ടോ ചേര്ത്ത് വാര്ത്ത നല്കുകയും ചെയ്തു.
€ാസ് കഴിഞ്ഞ ശേഷമായിരുന്നു പുത്തനത്താണി സി.പി.എ കോളജിലെ ഹോളി ആഘോഷം. അതുവഴി കടന്നു പോയവരുടെയെല്ലാം ദേഹത്ത് വര്ണം വാരി വിതറിയായിരുന്നു ആഘോഷം. എന്നാല് ആഘോഷത്തിനിടയിലും ദര്സില് പോകുന്ന വിദ്യാര്ത്ഥിയെ സംരക്ഷിച്ച് കടത്തി വിടുന്ന ചിത്രം ഏറെ ശ്രദ്ധയാകര്ഷിക്കുന്നതായിരുന്നു.
