ന്യൂഡല്ഹി: ലോകത്തിലെ ഏറ്റവും വലിയ യുദ്ധവിമാനക്കരാറിന് തുടക്കം കുറിച്ച് ഇന്ത്യ. 144 യുദ്ധ വിമാനങ്ങള് വാങ്ങുന്നതിനായി 1500 കോടി ഡോളറിന്റെ (1.1 ലക്ഷം കോടി രൂപ) ഇടപാടിനാണ് ഇന്ത്യ തയ്യാറെടുക്കുന്നത്. പ്രാരംഭഘട്ടത്തിലാണ് നടപടിക്രമങ്ങളെന്ന് കേന്ദ്രസര്ക്കാര് വ്യക്തമാക്കി. കരാര് ലഭിക്കുന്നതിനായി ബോയിംഗ്, ലോക്ക് ഹീഡ് മാര്ട്ടിന്, സാബ് എ ബി തുടങ്ങിയ യുദ്ധവിമാന നിര്മ്മാണ കമ്പനികള് രംഗത്തെത്തിയിട്ടുണ്ട്.
കമ്പനികരെ വിലയിരുത്തല് തുടരുകയാണെന്നും ഇന്ത്യന് വ്യോമസേനയുടെ ആവശ്യങ്ങള് പഠിച്ച് കൃത്യമായ തീരുമാനമെടുക്കുമെന്നും വ്യോമയാന സഹമന്ത്രി ശ്രീപദ് നായിക് പാര്ലമെന്റില് അറിയിച്ചു.
അതേസമയം നേരത്തെ നാവിക സേനയെ ശക്തിപ്പെടുത്തുന്നതിനായി യുദ്ധക്കപ്പലുകളും മറ്റ് ഉപകരണങ്ങളും വാങ്ങാന് തീരുമാനിച്ചതിനു പിന്നാലെയാണ് ഈ കാരാറിന് സര്ക്കാര് തയ്യാറെടുക്കുന്നത്. ഇന്ത്യന് മഹാ സമുദ്രം, ഇന്തോ-പസഫിക് മേഖലകളില് ചൈനീസ് സാന്നിധ്യം പിടിമുറുക്കുന്നതിന്റെ ഭാഗമായാണ് നാവിക സേനയും ആയുധങ്ങള് വാങ്ങുന്നത്.
