മോഗ: കള്ളക്കേസില് കുടുക്കി പോലീസ് വേട്ടയാടുകയാണെന്നും നീതി ലഭിക്കാന് ഇടപെടണമെന്നും കാണിച്ച് സ്വന്തം രക്തംകൊണ്ട് രണ്ട് പഞ്ചാബി പണ്കുട്ടികള് രാഷ്ട്രപതി രാംനാഥ് കോവിന്ദിന് കത്തെഴുതി. 'ഞങ്ങളെ ആരോ കുടുക്കിയതാണ്, പേടിച്ചുകൊണ്ടാണ് ജീവിക്കുന്നത്- കത്തില് പറയുന്നു.
തങ്ങള്ക്ക് നീതി ലഭിച്ചില്ലെങ്കില് ദയാവധത്തിന് അനുമതി നല്കണമെന്നും പെണ്കുട്ടികള് കത്തില് പറയുന്നു.
വിസ തട്ടിപ്പ്, വഞ്ചന കേസുകളാണ് മോഗ പോലീസ് ഇവര്ക്കെതിരെ രജിസ്റ്റര് ചെയ്തിരിക്കുന്നത്. തങ്ങളെ ആരോ കുടുക്കിയതെന്നാണെന്ന് പോലീസിനോട് പറഞ്ഞിരുന്നു. ഇക്കാര്യം അന്വേഷിക്കണമെന്നും പറഞ്ഞു. എന്നാല് ഇവരുന്നയിച്ച ആരോപണം മോഗ പോലീസ് ഉദ്യോഗസ്ഥന് കുല്ജിന്ദര് സിങ് തള്ളി. ഇവര്ക്കെതിരെ ക്രിമിനല് കേസുകള് രജിസ്റ്റര് ചെയ്തിട്ടുണ്ടെന്നും അന്വേഷണം നടക്കുന്നുണ്ടെന്നും അദ്ദേഹം അറിയിച്ചു.
ചില സാമ്പത്തിക ഇടപാടുകള് നടത്തുന്നവരാണെന്ന് കാണിച്ചാണ് രണ്ടു പെണ്കുട്ടികളും തന്റെയടുത്ത് വന്നത്. അവര് ഈടായി ചെക്ക് വാങ്ങിയെന്നും എതിര് കക്ഷി ഏജന്റുമാരാണെന്ന് കരുതി തങ്ങള്ക്കെതിരെ കേസ് നല്കിയെന്നുമാണ് പറഞ്ഞത്. മകനെ വിദേശത്തേക്ക് കൊണ്ടുപോകാനാണ് പണം നല്കിയതെന്നാണ് പരാതിക്കാരന് ബോധിപ്പിച്ചതെന്നും മോഗ പോലീസ് ഓഫീസര് കുല്ജിന്ദര് സിങ് വ്യക്തമാക്കി.
പെണ്കുട്ടികളുടെ ആരോപണം നിഷേധിച്ച അദ്ദേഹം അന്വേഷണം പുരോഗമിക്കുന്നതായി പറഞ്ഞു. കുട്ടിയെ വിദേശത്ത്യക്കാമെന്ന് പറഞ്ഞ് പണം തട്ടിയെന്നാരോപിച്ചാണ് ഇവര്ക്കെതിരെ കേസുള്ളത്. ഏജന്റാണെന്ന ധാരണയില് ഇവര്ക്ക് ചെക്ക് നല്കിയാതായാണ് കുട്ടിയുയെ രക്ഷിതാക്കള് പറയുന്നത്.
