ബെംഗളൂരു: ദേശീയ നേതൃത്വത്തിന്റെ അനുമതിയില്ലാതെ കര്ണാടകയുടെ പുതിയ മുഖ്യമന്ത്രിയാകുവാന് തയ്യാറായി ബിജെപി സംസ്ഥാന അധ്യക്ഷന് ബി.എസ്. യദ്ദ്യൂരപ്പ. ഇന്ന് വൈകിട്ട് ആറിന് സത്യപ്രതിജ്ഞ ചെയ്യുമെന്ന് യദ്യൂരപ്പ മാധ്യമങ്ങളോട് പറഞ്ഞു. തുടര്ന്ന് ഗവര്ണറെ കാണാന് യദ്യൂരപ്പ രാജ്ഭവനില് എത്തി.
കോണ്ഗ്രസ് ജെഡിഎസ് കൂട്ടുകക്ഷിയിലുണ്ടായിരുന്ന കുമാരസ്വാമി മന്ത്രിസഭ വിശ്വാസവോട്ടെടുപ്പില് പരാജയപ്പെട്ട് മൂന്നാം ദിവസമാണ് മന്ത്രിസഭാ നിര്മ്മാണമെന്ന ആവശ്യവുമായി യദ്യൂരപ്പ മുന്നോട്ട് വന്നിരിക്കുന്നത്. പുതിയ സര്ക്കാര് രൂപീകരിക്കുന്നതുമായി ബന്ധപ്പെട്ട് ബിജെപി അധ്യക്ഷന് അമിത് ഷായെയും വര്ക്കിങ് പ്രസിഡന്റ് ജെ പി നദ്ദയേയും നേതാക്കള് കഴിഞ്ഞ ദിവസം ഡല്ഹിയില് എത്തിയിരുന്നു.
താന് രാവിലെ 10 മണിക്ക് ഗവര്ണറെ കാണാന് പോകുന്നു. സര്ക്കാര് രൂപീകരിക്കാനുള്ള അവകാശവാദമുന്നയിക്കും അതിനൊപ്പം സത്യപ്രതിജ്ഞ ചടങ്ങുകള് ഇന്ന് തന്നെ നടത്താന് അഭ്യര്ദ്ധിക്കുമെന്നും അദ്ദേഹം മാധ്യമങ്ങളോട് പറഞ്ഞു.
സര്ക്കാര് രൂപീകരണത്തിന് കേന്ദ്ര നേതൃത്വം അനുമതി നല്കാതെ നീട്ടിക്കൊണ്ടു പോകുന്നതിനിടെയാണ് അപ്രതീക്ഷിതമായ യദ്യൂരപ്പയുടെ നീക്കം. ബിജെപി ബൈലോ പ്രകാരം 76 കഴിഞ്ഞ യദ്യൂരപ്പയ്ക്ക് മുഖ്യമന്ത്രി പദത്തിലെത്തുന്നതിനുള്ള അവസാന അവസരമാകും ഇത്. ശക്തമായ പിന്തുണ ഉറപ്പാക്കിയതിന് ശേഷം മാത്രം മന്ത്രിസഭ രൂപീകരിച്ചാല് മതിയെന്നായിരുന്നു കേന്ദ്ര നേതൃത്വത്തിന്റെ തീരുമാനം.
വിമതരില് മൂന്ന് പേരെ വ്യാഴാഴ്ച സ്പീക്കര് കെ.ആര് രമേശ് കുമാര് അയോഗ്യരാക്കി പ്രഖ്യാപിച്ചിരുന്നു. മറ്റുള്ളവരുടെ തീരുമാനം വൈകിയിരിക്കുന്നത്.
