റിയാദ് : സ്വകാര്യ വിദ്യാഭ്യാസ മേഖലയില് ജോലി ചെയ്യുന്ന വിദേശ ജീവനക്കാരുടെ എണ്ണം സൗദിയില് കുറയുന്നു. നിതാഖാത്ത് ശക്തമാകുന്നതിന്റെ ഭാഗമായാണ് ഈ മാറ്റം.
മന്ത്രാലയം പുറത്തുവിട്ട ഏറ്റവും പുതിയ റിപ്പോര്ട്ട് പ്രകാരമാണ് സൗദി സ്വകാര്യ വിദ്യാഭ്യാസ മേഖലയില് വിദേശികള് കൊഴിഞ്ഞു പോകുന്നതായുള്ള സൂചന വന്നിരിക്കുന്നത്. ആകെ 2,72,078 പേരാണ് സ്വകാര്യ വിദ്യാഭ്യാസ മേഖലയില് ജോലി ചെയ്യുന്നത്. ഇവരില് 1.80 ലക്ഷം പേരും സ്വദേശികളാണ്. ഒരു വര്ഷത്തിനിടെ സ്വദേശി ജീവനക്കാരുടെ എണ്ണത്തില് 43 ശതമാനത്തിന്റെ വര്ദ്ധനയാണ് ഈ മേഖലയില് ഉണ്ടായിരിക്കുന്നത്.
നിലവില് വിദ്യാഭ്യാസ മേഖലയില് ഉള്ളവരില് ഭൂരിഭാഗവും വനിതകളാണ്. 1.15 ലക്ഷം വനിതകളാണ് ഇപ്പോള് സ്വകാര്യ വിദ്യാഭ്യാസ മേഖലയില് ജോലി ചെയ്തു വരുന്നത്. വിദേശ വനിതാ ജീവനക്കാരുടെ എണ്ണം 16 ശതമാനം മാത്രമാണ്.
