ന്യുഡല്ഹി: ഡല്ഹിയിലും ദേശീയ പൗരത്വ രജിസ്ട്രേഷന് (എന്.ആര്.സി)കൊണ്ടുവരണമെന്ന് ആവശ്യപ്പെട്ട് ബി.ജെ.പി ഡല്ഹി അധ്യക്ഷന് മനോജ് തിവാരി. തലസ്ഥാന നഗരത്തിലെ സ്ഥിതി ആപത്കരമാണെന്നും അനധികൃത കുടിയേറ്റക്കാരെ കണ്ടെത്താന് എന്.ആര്.സി അനിവാര്യമാണെന്നും മനോജ് തിവാരി പറയുന്നു. അസ്സമിലെ എന്.ആര്.സി അന്തിമ പട്ടിക പ്രസിദ്ധീകരിച്ചതിനു പിന്നാലെയാണ് മനോജ് തിവാരി ഈ ആവശ്യവുമായി രംഗത്തെത്തിയത്.
അനധികൃത കുടിയേറ്റക്കാരാണ് ഡല്ഹിയില് ഏറ്റവും അപകടകരം. വേണ്ട സമയത്തുതന്നെ സര്ക്കാര് എന്.ആര്.സി കൊണ്ടുവരുമെന്നും മനോജ് പറയുന്നു. ഇതാദ്യമായാല്ല മനോജ് തിവാരി തന്റെ നിലപാട് വ്യക്തമാക്കുന്നത്. അനധികൃത റൊഹിഗ്യന് അഭയാര്ത്ഥികളുടെ ആക്രമണ ഭീഷണിയുടെ നിഴലില് നിന്നും രക്ഷപ്പെടണമെങ്കില് എന്.ആര്.സി നടപ്പാക്കണമെന്ന് കഴിഞ്ഞ മേയില് ഇദ്ദേഹം ആവശ്യപ്പെട്ടിരുന്നു.
അതേസമയം, മനോജ് തിവാരിയുടെ പരാമര്ശത്തെ പരിഹസിച്ച് ഓള് ഇന്ത്യ മഹിള കോണ്ഗ്രസ് നേതാവ് രംഗത്തെത്തി. ബിഹാറിലെ കയ്മൂറില് ജനിച്ച്, യു.പിയിലെ വരണാസിയില് പഠിച്ച്, മഹാരാഷ്ട്രയിലെ മുംബൈയില് ജോലി ചെയ്ത്, യു.പിയിലെ ഗോരഖ്പുരില് നിന്ന് മത്സരിച്ച, വീണ്ടും ഡല്ഹിയില് മത്സരത്തിനിറങ്ങഇയ മനോ് തിവാരി തന്നെ അഭയാര്ത്ഥികളെ പുറത്താക്കാന് രംഗത്തെത്തണമെന്നും അവര് പറഞ്ഞു.
അസമിലെ എന്.ആര്.സി അന്തിമ പട്ടിക പുറത്തുവന്നപ്പോള് 19 ലക്ഷം പേരാണ് പുറത്തായത്. 3.11 കോടി പേര് പട്ടികയില് ഇടംനേടി.
