ലണ്ടന്: ലോകത്തെ ഏറ്റവും പഴക്കം ചെന്ന ബ്രിട്ടനിലെ ട്രാവല് ഏജന്സി തോമസ് കുക്കിനെ സാമ്പത്തീക പ്രതിസന്ധിയെ തുടര്ന്ന് പാപ്പരായി പ്രഖ്യാപിച്ചതോടെ വിദേശ രാജ്യങ്ങളില് കുടുങ്ങിപ്പോയത് അവരുടെ ആറു ലക്ഷം ഇടപാടുകാര്. 25 കോടി ഡോളറിന്റെ ബാദ്ധ്യതയുള്ള കമ്പനി പിടിച്ചു നില്ക്കാനുള്ള എല്ലാ ശ്രമങ്ങളും പരാജയപ്പെട്ടതോടെ തിങ്കളാഴ്ചയായിരുന്നു പാപ്പറായി പ്രഖ്യാപിച്ചത്. ഇതോടെ അവരുടെ പ്രവര്ത്തനങ്ങള് സ്വഭാവികമായി നിന്നു പോയതാണ് തിരിച്ചടിയായത്.
ലണ്ടന് ആസ്ഥാനമാക്കി പ്രവര്ത്തിക്കുന്ന 178 വയസ്സ് പ്രായമുള്ള ടൂര് ഓപ്പറേറ്റര്മാര്ക്ക് പ്രവര്ത്തനം തുടരാന് 250 ദശലക്ഷം ഡോളറിന്റെ നിക്ഷേപം ആവശ്യമുണ്ട്്. ഭാവി പ്രവര്ത്തനങ്ങള് നിര്ത്തുന്നതോടെ പത്തുലക്ഷത്തിലധികം പേരുടെ വിനോദസഞ്ചാരത്തെയാണ് ബാധിച്ചത്. ബ്രിട്ടനിലെ 9000 പേര് ഉള്പ്പെടെ 22,000 പേരുടെ തൊഴിലിനെയും സംഭവം ബാധിച്ചു. ലോകത്താകമാനം കമ്പനിക്ക് ഓഫീസുകളും അനേകം ഉപഭോക്താക്കളുമുണ്ട്.
അതേസമയം തോമസ് കുക്കുമായി ബന്ധപ്പെട്ട് വിദേശത്ത് കുടുങ്ങിപ്പോയ ഒന്നരലക്ഷം നാട്ടുകാരെ സൗജന്യമായി തന്നെ നാട്ടിലെത്തിക്കുമെന്ന് ബ്രിട്ടീഷ് സര്ക്കാര് വ്യക്തമാക്കിയിട്ടുണ്ട്്. ഇക്കാര്യത്തില് യുകെ സിവില് ഏവിയേഷന് അതോറിറ്റിയും സര്ക്കാരും ഡസന് കണക്കിന് ചാര്ട്ടര് വിമാനങ്ങള് വാടകയ്ക്ക് എടുത്ത് ഇടപാടുകാരെ നാട്ടിലേക്ക് മടക്കി കൊണ്ടു വരുമെന്ന് സര്ക്കാര് പ്രഖ്യാപിച്ചിട്ടുണ്ടെന്ന് കമ്പനിയുടെ ട്രാന്സ് പോര്ട്ട് സെക്രട്ടറി ഗ്രാന്റ് ഷാപ്പ്സ് പറഞ്ഞു.
രണ്ടു വര്ഷം മുമ്പ് മൊണാര്ക്ക് എയര്ലൈന്സും ഇതുപോലെ പാപ്പരായപ്പോള് വിദേശത്ത് കുടുങ്ങിപ്പോയ ബ്രിട്ടീഷ് സര്ക്കാര് ചാര്ട്ടേഡ് വിമാനങ്ങളില് തിരികെ നാട്ടില് എത്തിച്ചിരുന്നു. 110,000 യാത്രക്കാരെ പേരെ 60 ദശലക്ഷം പൗണ്ട് ചെലവാക്കിയാണ് കൊണ്ടു വന്നത്. തോമസ് കുക്ക് തങ്ങളുടെ ട്രാവല് ഏജന്സി അടച്ചുപൂട്ടാന് നിര്ബ്ബന്ധിതമാകുമ്പോള് 22,000 പേര്ക്കാണ് ലോകത്തുടനീളമായി തൊഴില് നഷ്ടമാകുന്നത്. ഇതില് 9000 പേര് ബ്രിട്ടീഷുകാരാണ്. പാപ്പരത്വം പ്രഖ്യാപിച്ചതോടെ ടുണീഷ്യയിലെ ഹോട്ടലില് താമസിക്കുന്ന തോമസ് കുക്കിന്റെ ഇടപാടുകാര്ക്ക് ധനനഷ്ടം ഉണ്ടാകുന്ന സ്ഥിതി വന്നിരിക്കുകയാണ്.
തോമസ് കുക്കിന്റെ പതനം റിപ്പോര്ട്ട് ചെയ്യപ്പെട്ട സാഹചര്യത്തില് പുനരുജ്ജീവന പാക്കേജായ 900 ദശലക്ഷം പൗണ്ട് മുടക്കാന് തയ്യാറായി ഇവരുടെ ഓഹരി ഉടമകളും കാക്കുകയാണ്. കമ്പനിയുടെ ഏറ്റവും വലിയ ഓഹരി ഉടമകളായ ചൈനീസ് സ്ഥാപനം ഫോസണ് 450 ദശലക്ഷം പൗണ്ട് നിക്ഷേപിക്കാമെന്ന് കഴിഞ്ഞ മാസം സമ്മതിച്ചിരുന്നു. മെയ് മാസം തന്നെ സാമ്പത്തീക പ്രതിസന്ധി റിപ്പോര്ട്ട് ചെയ്യപ്പെട്ട തോമസ് കുക്കിനെ ബ്രിട്ടന്റെ ബ്രക്സിറ്റ് അനിശ്ചിതത്വം കൂടുതല് ബാധിച്ചിരുന്നു.
ബ്രിട്ടന്റെ നയതന്ത്ര തീരുമാനങ്ങള് അവരുടെ വേനലവധി ബുക്കിംഗിനെ കാര്യമായി തന്നെ ബാധിച്ചു. ഇതിനൊപ്പം ഓണ്ലൈന് ടൂര് ഓപ്പറേറ്റര്മാര്ക്കിടയില് പിടിച്ചു നില്ക്കാനും ബുദ്ധിമുട്ടുകയാണ്. യുകെയില് തന്നെയുള്ള 600 സ്റ്റോറുകളുടെ പ്രവര്ത്തനങ്ങളെ ഓണ്ലൈന് വഴിയുള്ള മത്സരം ബാധിച്ചു. 1841 ല് ബ്രിട്ടനിലെ നഗരങ്ങളെ ബന്ധിപ്പിച്ചു കൊണ്ടു തുടങ്ങിയ തോമസ് കുക്ക് വിദേശയാത്രകള് നടത്തിത്തുടങ്ങിയത് 1855 മുതലാണ്. 1866 ല് അമേരിക്കയിലേക്ക് യാത്ര നടത്തിയ കമ്പനി പിന്നീട് 1872 മുതല് ലോകത്തുടനീളം ട്രിപ്പ് നടത്തുകയും ചെയ്തു.
