ന്യൂഡല്ഹി: ജയ്ഷെ ഭീകരര് തലസ്ഥാന നഗരിയായ ഡല്ഹിയില് എത്തിയെന്ന രഹസ്യവിവരത്തെ തുടര്ന്ന് അതീവ ജാഗ്രത നിര്ദേശം. മൂന്ന് ഭീകരര് തലസ്ഥാന നഗരിയില് എത്തിയെന്നാണ് സംശയിക്കുന്നത്. ഭീകരാക്രമണ മുന്നറിയിപ്പിനെ തുടര്ന്ന് ഡല്ഹിയില് വിവിധയിടങ്ങളില് പരിശോധന കര്ശനമാക്കി. ഡല്ഹി പോലീസ് സ്പെഷല് സെല്ലാണ് പരിശോധന നടത്തുന്നത്.
ജമ്മു കശ്മീര്, പഞ്ചാബ് എന്നിവിടങ്ങളിലെ വ്യോമകേന്ദ്രങ്ങളിലാണ് സുരക്ഷ ശക്തമാക്കി. എട്ടു മുതല് പത്തു വരെ ജയ്ഷെ ഭീകരര് അട.ജങുന്ന സംഘം വ്യോമകേന്ദ്രങ്ങള്ക്കു നേരെ ആക്രമണം നടത്താന് സാധ്യതയുണ്ടെന്നാണ് രഹസ്യാന്വേഷണ ഏജന്സികള് നല്കിയിരിക്കുന്ന വിവരം.
വ്യോമസേനാ താവളങ്ങളില് ഭീകരാക്രമണ സാധ്യത കണക്കിലെടുത്ത് ഗാന്ധിജയന്തി ദിനത്തില് അതീവ ജാഗ്രത നിര്ദേശം നല്കിയിരുന്നു. പാക്ക് ഭീകര സംഘടനയായ ജയ്ഷെ മുഹമ്മദ് സൈനിക താവളങ്ങളില് ചാവേറാക്രമണത്തിന് പദ്ധതിയിടുന്നുവെന്ന രഹസ്യ വിവരത്തെ തുടര്ന്ന് ജമ്മു കശ്മീരിലേയും പഞ്ചാബിലേയും സൈനിക കേന്ദ്രങ്ങളിലാണ് സരക്ഷ കര്ശനമാക്കിയത്.
പത്തോളം പേര് അടങ്ങിയ ചാവേര് സംഘം സൈനിക കേന്ദ്രങ്ങള് ലക്ഷ്യമാക്കി നീങ്ങിയിട്ടുണ്ടെന്നാണ് കേന്ദ്ര രഹസ്യാന്വേഷണ വിഭാഗത്തിന് ലഭിച്ച വിവരം. അമൃത്സര്, പത്താന്കോട്ട്, ശ്രീനഗര്, അവന്തിപുര്, ഹിന്ഡന് എന്നിവിടങ്ങളിഴെല വ്യോമസേന താവളങ്ങളിലാണ് സുരക്ഷ ശക്തമാക്കിയത്. ഈ സൈനിക കേന്ദ്രങ്ങളില് ഓറഞ്ച് അലര്ട്ട് പ്രഖ്യാപിച്ചിട്ടുണ്ട്.
പാക്കിസ്ഥാനിലെ ബലാക്കോട്ടില് ഇന്ത്യ വ്യോമാക്രമണത്തില് തകര്ത്ത ജയ്ഷെ ഭീകരകേന്ദ്രം വീണ്ടും സജീവമായതായി ഇക്കഴിഞ്ഞ ദിവസം കരസേന മേധാവി ബിപിന് വാറത്ത് സ്ഥിരീകരിച്ചിരുന്നു. കശ്മീരിനു പ്രത്യേക അധികാരം നല്കുന്ന ആര്ട്ടിക്കിള് റദ്ദാക്കിയതിനു പിന്നാലെ ഇന്ത്യയ്ക്കെതിരെ പാക്ക് ഭരണകൂടത്തിന്റെ പിന്തുണയോടെയാണ് ഭീകരരുടെ നീക്കമെന്നാണ് റിപ്പോര്ട്ടുകള്.
