കേരളത്തിലെ ആദ്യ ട്രാന്സ്ജെന്ഡര് ദമ്പതികളായ ഇഷാന്റെയും സൂര്യയുടേയും ഏറ്റവും വലിയ ആഗ്രഹമാണ് ഒരു കുഞ്ഞെന്നത്. വളരെ ദുഷ്കരമായ കാര്യമാണ് ഇതെന്ന് വൈദ്യശാസ്ത്രം പറയുന്നുണ്ടെങ്കിലും ഇരുവരും സ്വന്തം കുഞ്ഞെന്ന ലക്ഷ്യത്തില് നിന്ന് പിന്മാറാന് തയ്യാറല്ല. ഇപ്പോള് പ്രമുഖ മാധ്യമത്തിന് നല്കിയ അഭിമുഖത്തില് ഈ ആഗ്രഹം ഇരുവരും വീണ്ടും ആവര്ത്തിച്ചു.
'' ഞങ്ങളുടെ വിവാഹം കഴിഞ്ഞ് ഒരു വര്ഷമായി. എല്ലാ അര്ഥത്തിലും ഭര്ത്താവെന്ന പിന്തുണ ഇഷാന് എനിക്ക് നല്കുന്നുണ്ട്. പക്ഷേ, പല വീടുകളിലെയും പോലെ ഭര്ത്താവ് ഉടമ, ഭാര്യ അടിമ എന്ന രീതി ഞങ്ങള്ക്കിടയില് ഇല്ല. എല്ലാ ജോലികളും ഞങ്ങള് പങ്കിട്ടാണ് ചെയ്യുന്നത്. വീട്ടില് ഞങ്ങള് രണ്ടു പേരും അത്യാവശ്യം ടോം ആന്ഡ് ജെറിയാണ്. തല്ലു കൂടലിനൊന്നും ഒരു കുറവുമില്ല. അതൊക്കെ എല്ലാ കുടുംബങ്ങളിലും ഉള്ളതു പോലെ ഞങ്ങളുടെ വീട്ടിലുമുണ്ട്. ഒരുമിച്ച് ജീവിക്കാന് തുടങ്ങിയപ്പോള് മുതല് ഞങ്ങള് ഒരുപോലെ പറഞ്ഞു തുടങ്ങിയതാണ് ഒരു കുഞ്ഞെന്ന സ്വപ്നം.
എന്തൊക്കെ പ്രതിബന്ധം ഉണ്ടായാലും ഞങ്ങള്ക്ക് അവിടെ എത്താന് കഴിയും. കാരണം വെറുതെ ആഗ്രഹിച്ചു മറക്കുന്നവരല്ല ഞങ്ങള്. അതിനു തെളിവു ഞങ്ങളുടെ ജീവിതം തന്നെയാണ്. ഒരു കുഞ്ഞ് പിറക്കാനുള്ള സ്വപ്നം നേടാന് ഞങ്ങള്ക്ക് ഒരുപാട് പേരുടെ പിന്തുണയും സഹായവും വേണ്ടി വരും. അതിനൊന്നും കഴിയാത്തവരോട് ഞങ്ങള്ക്ക് ഒന്നേ അപേക്ഷിക്കാനുളളൂ. നിങ്ങളുടെ പ്രാര്ഥനയുടെ ഒരു നിമിഷം ഞങ്ങള്ക്കു വേണ്ടി. പരിഹസിക്കുന്നവരോട് ഒരു വാക്ക്. ഞങ്ങളും മനുഷ്യരാണ്. നിങ്ങളെപോലെ തന്നെ ഈ ഭൂമിയില് പിറന്നവര്.''
