പ്രമുഖ ചാനലില് പ്രക്ഷേപണം ചെയ്യുന്ന സീരിയലാണ് വാനമ്പാടി. സീരിയലില് നിര്മ്മലയെന്ന കഥാപാത്രത്തിലൂടെ കുടുംബ പ്രേക്ഷകരുടെ ഇഷ്ടം നേടിയ താരമാണ് ഉമ നായര്. ഗായകനായ മോഹന്കുമാറിന്റെയും ഇയാള്ക്ക് വിവാഹത്തിന് മുമ്പുണ്ടായ പ്രണയ ബന്ധത്തില് ജനിച്ച അനുമോളുടെയും കഥയാണ് സീരിയലിന്റെ പ്രമേയം. അനുമോളുടെ വല്യമ്മയുടെ റോളിലാണ് ഉമ അഭിനയിക്കുന്നത്.
എന്നാല് കുറേ ദിവസമായി സീരിയലില് ഉമ നായരെ കാണുന്നില്ല. നിര്മ്മല, അസുഖമായി കിടക്കുന്ന അമ്മയെ പരിചരിക്കാനായി കൊടുങ്ങല്ലൂരിലേക്ക് പോയി എന്നുള്ള രീതിയിലാണ് സീരിയല് നടക്കുന്നത്. ഉമ ഈ സീരിയലില് എത്താത്തത് എന്താണെന്ന സംശയത്തിലാണ് ആരാധകര്. ഇപ്പോള് ഉമ താന് തിരഞ്ഞെടുക്കുന്ന കഥാപാത്രങ്ങളെ കുറിച്ച് പറഞ്ഞ കാര്യങ്ങളാണ് ശ്രദ്ധേയമാകുന്നത്.
'' കഥാപാത്രങ്ങള് തിരഞ്ഞെടുക്കുന്നതില് ഞാന് വളരെ ശ്രദ്ധിക്കുന്ന ആളാണ്. ഒരു അമ്മയുടെയോ അമ്മായിയമ്മയുടെയോ കഥാപാത്രം എടുത്താലും ആ കഥാപാത്രത്തെ പ്രേക്ഷകര് സ്നേഹിക്കുമെന്ന് ഞാന് ഉറപ്പാക്കും. ഒരു പ്രോജക്റ്റിന് ശേഷം ചെറിയ ഇടവേള എടുക്കുന്നത് ടൈപ്പ്കാസ്റ്റ് ഒഴിവാക്കാനാണ് അഭിനയത്തിന് പുറമെ അഭിനേതാക്കള്ക്ക് മറ്റൊരു ജോലി കൂടി ആവശ്യമാണ്.'' - ഉമ പറയുന്നു.
