ഷെഹ്ല ഫാത്തിമയുടെ മരണത്തിന് കാരണം വിദഗ്ധ ചികിത്സ വേണ്ട സമയത്ത് കിട്ടാത്തതാണെന്ന ആക്ഷേപം ഉയരുന്നതിനിടെ അധ്യാപകര്ക്കെതിരെ രൂക്ഷ വിമര്ശനവുമായി നടനും സംവിധായകനുമായ നാദിര്ഷ. സ്വന്തം കുഞ്ഞിന്റെ കാലില് ഒരു മുള്ള് കൊണ്ടാല് ഇവര് സഹിക്കുമോ?
അവള്ക്ക് കിട്ടാത്ത എന്ത് കരുണയാണ് നമ്മള് വിദ്യാഭ്യാസത്തിലൂടെ ആര്ജ്ജിക്കുന്നതെന്ന് നാദിര്ഷ ചോദിക്കുന്നു. ആ കുഞ്ഞിനെ ബാപ്പ വരുന്നതുവരെ കാത്തിരുത്തിയ ആ മണിക്കൂര് ഉണ്ടല്ലോ..? അതിന് കണക്ക് പറഞ്ഞേ നീയൊക്കെ ഈ ഭൂമി വിടൂ... എന്നും നാദിര്ഷ കുറിച്ചു. പോസ്റ്റിനെ പിന്തുണച്ച് നിരവധി പേര് രംഗത്തെത്തി.
നാദിര്ഷയുടെ കുറിപ്പിന്റെ പൂര്ണരൂപം.
അവള്ക്ക് കിട്ടാത്ത എന്ത് കരുണയാണ് നമ്മള് വിദ്യാഭ്യാസത്തിലൂടെ ആര്ജ്ജിക്കുന്നത്. സ്വന്തം മക്കളുടെ കാലില് ഒരു മുള്ളു കൊണ്ടാല് ഇവര് സഹിക്കുമോ??
ഒരുപാട് സങ്കടം....
സോഷ്യല് മീഡിയയില് പുതിയ വാര്ത്തകളും കേസുകളും വരും... വരുന്നവയൊക്കെ പെട്ടെന്ന് അപ്രത്യക്ഷ്യമാകുന്നത് പോലെ ഈ വാര്ത്തയും കുറച്ചു കഴിയുമ്പോള് അപ്രക്ത്യഷ്യമാകും...മറക്കും. പക്ഷെ ആ കുഞ്ഞിനെ ബാപ്പ വരുന്നതുവരെ കാത്തിരുത്തിയ ആ മണിക്കൂര് ഉണ്ടല്ലോ..? അതിന് കണക്ക് പറഞ്ഞേ നീയൊക്കെ ഈ ഭൂമി വിടൂ... ദേഷ്യം.
