ഇന്ത്യന് സിനിമയുടെ എണ്പതുകളിലെ താരങ്ങള് ഓര്മ പുതുക്കി വീണ്ടും ഒത്തുചേര്ന്നു. ഇതിന്റെ ചിത്രങ്ങള് സോഷ്യല് മീഡിയയില് തരംഗം സ്യഷ്ടിച്ചിരുന്നു. ഇപ്പോഴിതാ, ഈ സൗഹൃദക്കൂട്ടായ്മയില് തന്നെ വിളിക്കാത്തതില് സംഘടമുണ്ടെന്ന് നടനും സംവിധായകനുമായ പ്രതാപ് പോത്തന്. താനൊരു മോശം നടനും സംവിധായകനുമായതുകൊണ്ടാം അവര് വിളിക്കാതിരുന്നതെന്ന് പ്രതാപ് പോത്തന് തന്റെ ഫേസ്ബുക്ക് പോസ്റ്റിലൂടെ പറയുന്നു.
പ്രതാപ് പോത്തന്റെ വാക്കുകള് :
'എണ്പതുകളിലെ താരങ്ങളുമായി വ്യക്തിപരമായി എനിക്ക് ബന്ധമില്ല, ചിലപ്പോള് അത് ഞാനൊരു മോശം നടനും സംവിധായകനുമായതുകൊണ്ടാകും. അതുകൊണ്ടാം അവരുടെ കൂടിച്ചേരലില് എന്നെ വിളിക്കാതിരുന്നത്. എനിക്ക് ദുഃഖമുണ്ട്. പക്ഷേ എന്തുപറയാന് എന്റെ സിനിമാ കരിയര് ഒന്നുമല്ലാതായി. ചിലര്ക്ക് നമ്മെ ഇഷ്ടപ്പെടാം, ചിലര് വെറുക്കും. പക്ഷേ ജീവിതം മുന്നോട്ടു പോകും'
നടന് ബാബു ആന്റണി ഉള്പ്പടെ നിരവധി ആളുകളാണ് പ്രതാപ് പോത്തന് പിന്തുണയുമായി എത്തിയത്. ‘അവര് ആരാണെന്ന് എനിക്ക് അറിയില്ല. അവരെ ഒഴിവക്കൂ. ഇന്ന് നിങ്ങള് ഈ നിലയിലെത്താന് ഇവരില് ആരും ഒരു സംഭാവനയും നല്കിയിട്ടില്ല. നിങ്ങള് നല്ല സംവിധായകനും നടനുമാണ്’-ബാബു ആന്റണി കുറിച്ചു.
സിനിമാ ഇന്ഡസ്ട്രിയിലേക്ക് ഒന്നിച്ചെത്തിയ ദക്ഷിണേന്ത്യന് താരങ്ങളാണ് വര്ഷാവര്ഷം ഈ ഒത്തുചേരല് സംഘടിപ്പിക്കുന്നത്. പാട്ടും നൃത്തവുമൊക്കെയായി പഴയ ഓര്മകളുടെ സ്മരണയില് നടത്തുന്ന ആഘോഷരാവില് വെളളിത്തിരയിലെ മിന്നും താരങ്ങള് പങ്കുചേരും. മെഗാസ്റ്റാര് ചിരഞ്ജീവിയുടെ വീട്ടിലാണ് ഇത്തവണ ഒത്തുകൂടല് നടന്നത്.
‘ക്ലാസ് ഓഫ് 80’സ് എന്നാണ് ഇത്തവണ ഒത്തുചേരലിന് നല്കിയ പേര്. ബ്ലാക്ക് ആന്ഡ് ഗോള്ഡന് ആയിരുന്നു ഇത്തവണത്തെ കളര് തീം. തെന്നിന്ത്യയിലേയും ബോളിവുഡിലെയും താരങ്ങള് ആഘോഷത്തില് അണിനിരന്നു സൗഹൃദസംഗമത്തിന്റെ പത്താം വാര്ഷികമായിരുന്നു ഇത്തവണത്തേത്.
നാഗാര്ജ്ജുന, പ്രഭൂ, റഹ്മാന്, മോഹന്ലാല്, ജയറാം, പാര്വതി, ശോഭന, നാദിയ മൊയ്തു, ജാക്കി ഷെറഫ്, ശരത്കുമാര്, ജഗപതി ബാബു, പൂര്ണ്ണിമ ജയറാം, ലിസ്സി, അംബിക, രാധിക ശരത് കുമാര് ജയപ്രഭ തുടങ്ങിയ വന്താരനിര ഇത്തവണ ഒത്തുകൂടലിന് എത്തി.
