കറാച്ചി: പൗരത്വ ഭേദഗതിക്കെതിരായ പ്രക്ഷോഭം നടക്കുന്നതിനിടെ ഇന്ത്യയെ ഒറ്റപ്പെടുത്തണമെന്ന് ആവശ്യവുമായി പാക്ക് മുന് താരം ജാവേദ് മിയാന്ദാദ്. പാക് വീഡിയോ വെബ്സൈറ്റായ പാക് പാഷന് ഡോട്ട് നെറ്റില് പോസ്റ്റ് ചെയ്ത വീഡിയോയിലുടെയാണ് മിയാന്ദാദ് ഐസിസിയോട് ഇക്കാര്യം ആവശ്യപ്പെട്ടത്.
ക്രിക്കറ്റ് മത്സരങ്ങള്ക്കായി ഇന്ത്യയില് ഒരു ടീമും സന്ദര്ശനം നടത്തരുതെന്നും, ഇക്കാര്യത്തില് ഐസിസിയില് നിന്നും നീതി കിട്ടുമോ എന്നാണ് ആരാധകര് ഉറ്റുനോക്കുന്നതെന്നും മിയാന്ദാദ് പറഞ്ഞു. ഇന്ത്യ മറ്റ് രാജ്യങ്ങള് സന്ദര്ശിക്കുന്നതില് നിന്നും വിലക്കണമെന്നും മിയാന്ദാദ് ഐസിസിയോട് ആവശ്യപ്പെട്ടിട്ടുണ്ട്.
കായിക താരങ്ങള് എന്ന നിലയില് നമ്മള് ഇതിനെതിരെ ശബ്ദമുയര്ത്തണം. ഇന്ത്യയില് എന്താണ് നടക്കുന്നതെന്ന് ലോകം മുഴുവന് കാുനുണ്ടെന്നും എല്ലാവരും ആശങ്കാകുലരാണെന്നും മിയാന്ദാദ് പറയുന്നു. ഇന്ത്യയില് മൃഗങ്ങളെ പോലെ മനുഷ്യരെ കൊല്ലുകയാണ്. ഇന്ത്യയെ നാണം കെടുത്തണമെന്നും , ഇത്രയും പ്രഷോഭം നടക്കുന്ന ഇന്ത്യയില് ക്രിക്കറ്റ് കളിക്കുക എന്നത് സുരക്ഷിതമല്ലെന്നും മിയാന്ദാദ് കൂട്ടിച്ചേര്ത്തു.
