നീണ്ട ഒന്പത് വര്ഷത്തെ കാത്തിരിപ്പിന് ശേഷം തങ്ങളുടെ ജീവിതത്തിലേക്ക് ഒരു കുഞ്ഞ് വരുന്നതിന്റെ സന്തോഷത്തിലാണ് വ്ലോഗര് ദമ്പതികളായ സൂരജും ചിഞ്ചുവും (ആന്). 'ജൂനിയര് സംഭവം വരുന്നു' എന്ന കുറിപ്പോടെ തങ്ങളുടെ ചിത്രങ്ങള് പങ്കുവെച്ചു കൊണ്ടാണ് ഇക്കാര്യം ചിഞ്ചു ഏവരേയും അറിയിച്ചത്. സിംഗപ്പൂരില് നിന്നുള്ള യൂട്യൂബ് വ്ലോഗേഴ്സാണ് തിരുവനന്തപുരം സ്വദേശി സൂരജും കൊച്ചിക്കാരി ചിഞ്ചുവും.
'വീ ആര് എ സംഭവം' എന്ന വെബ് സീരിസിലൂടെയാണ് ഇവര് മലയാളികള്ക്ക് പ്രിയങ്കരരായി മാറിയത്. ആന് എന്നാണ് ചിഞ്ചുവിന്റെ യഥാര്ഥപേര്. വീ ആര് എ സംഭവം തുടങ്ങിയപ്പോള് ഇവര് ചിഞ്ചുവും സൂരജേട്ടനുമായി. കോളജില് പഠിക്കുന്ന കാലത്ത് സൂരജ് കൈകാര്യം ചെയ്ത വ്ലോഗാണ് ഐ ആം എ സംഭവം. സിംഗപ്പൂരിലെത്തിയപ്പോള് അത് സിംഗപ്പൂരമായി. എന്നാല് ജോലിയുടെ തിരക്കു കാരണം ഇടക്കാലത്ത് ഒരു ഗ്യാപ്പ് വന്നു. കല്യാണം കഴിഞ്ഞ് ഒരു ഡബ്സ്മാഷ് ചെയ്തപ്പോള് ചിഞ്ചുവും ഒപ്പം കൂടിയതോടെ ഐ ആം എ സംഭവം വീ ആര് എ സംഭവം എന്നാക്കുകയായിരുന്നു.
