ന്യൂഡല്ഹി: നിര്ഭയ കേസിലെ പ്രതികളുടെ വധ ശിക്ഷ നടപ്പാക്കുന്നത് നീട്ടിക്കൊണ്ടുള്ള സുപ്രീം കോടതി വിധി വന്നതിന് പിന്നാലെ പൊട്ടിക്കരഞ്ഞുകൊണ്ട് നിര്ഭയയുടെ അമ്മ മാധ്യമങ്ങളോട്. നീതിക്കായി പോരാടുമെന്നും കോടതിയും സര്ക്കാരും കുറ്റവാളികള്ക്കൊപ്പമാണ് നില്ക്കുന്നതെന്നും ഇവര്ക്ക് ശിക്ഷ നല്കിയില്ലെങ്കില് ഭരണഘടന തന്നെ കത്തിച്ചുകളയണമെന്ന് നിര്ഭയയുടെ അമ്മ പറഞ്ഞു.
ഈ നാട്ടില് പെണ്കുട്ടികള്ക്ക് ഒരു വിലയുമില്ല. പ്രതികള് നിയമ വ്യവസ്ഥയെ പരിഹസിക്കുകയാണ്. ഈ വ്യവസ്ഥയില് വിശ്വാസമില്ലെന്നും നിര്ഭയയുടെ അമ്മ കൂട്ടിച്ചേര്ത്തു. വധ ശിക്ഷ ഒരിക്കലും നടപ്പാക്കില്ലെന്ന് പ്രതികളുടെ അഭിഭാകന് മുഖത്ത് നോക്കി വെല്ലുവിളിച്ചതായും നീതി നടപ്പാവുന്നതുവരെ പോരാട്ടം തുടരുമെന്നും നിര്ഭയയുടെ അമ്മ പരാതിപ്പെട്ടു.
പ്രതികളുടെ വധ ശിക്ഷ നാളെ നടപ്പാക്കില്ല. ഇനി ഒരു ഉത്തരവ് ഉണ്ടാകുന്നതുവരെ വധശിക്ഷ നടപ്പാക്കുന്നത് ഡല്ഹി അഡീഷണല് സെഷന്സ് കോടതി തടഞ്ഞിരിക്കുകയാണ്. ദയാഹര്ജി തീര്പ്പാക്കാത്തതിനാല് മരണവാറണ്ട് സ്റ്റേ ചെയ്യണമെന്നായിരുന്ന പ്രതികളുടെ ഹര്ജിയിലാണ് ഉത്തരവ്. രണ്ട് പ്രതികള് കൂടി ദയാഹര്ജി നല്കാനുള്ളതിനാല് ശിക്ഷ നടപ്പാക്കല് നീളുമെന്ന് ഉറപ്പായി.
