ന്യൂഡല്ഹി: മുംബൈ - അഹമ്മദാബാദ് 508 കിലോ മീറ്റര് ബുള്ളറ്റ് ട്രെയിന് പദ്ധതി സര്ക്കാര് ഇപ്പോഴും പിന്തുടരുന്നുണ്ടെന്ന് കേന്ദ്ര ധനമന്ത്രി നിര്മ്മലാ സീതാരാമന്. പല തവണ തടസ്സങ്ങളിലൂടെയും പ്രതിസന്ധികളിലൂടെയും മുന്നേറുന്ന ഇതിന് സമാനമായ മറ്റ് പദ്ധതികളും സര്ക്കാര് ഏറ്റെടുക്കാനാണ് ഉദ്ദേശിക്കുന്നതെന്നും പറഞ്ഞു.
രാജ്യത്തെ വിനോദ സഞ്ചാര കേന്ദ്രങ്ങളെ ബന്ധിപ്പിച്ച് കൂടുതല് തേജാസ് ടൈപ്പ് ട്രെയിനുകള് സര്ക്കാരിന് പദ്ധതിയുണ്ടെന്നും 2020 കേന്ദ്രബജറ്റ് അവതരണത്തില് പറഞ്ഞു. ബംഗലുരുവിനും ഒരു റെയില് പദ്ധതി ആലോിച്ചുക്കുന്നുണ്ട്. ട്രാക്കുകളില് സൗരോര്ജ്ജം ഉപയോഗപ്പെടുത്തുന്ന കാര്യവും പരിഗണനയിലാണ്. 2017 ല് ജപ്പാന് പ്രധാനമന്ത്രി ഷിന്സോ അബേ ഒപ്പിട്ടതാണ് ബുള്ളറ്റ് ട്രെയിന് പദ്ധതി. ഒരു ലക്ഷം കോടി ചെലവ് വരുന്ന പദ്ധതിക്കായി ഒരു ശതമാനം പലിശയ്ക്ക് 88,000 കോടി രൂപ വായ്പ നല്കാന് ജപ്പാന് തയ്യാറുമായിരുന്നു. എന്നാല് സ്ഥലമേറ്റെടുപ്പ് ഉള്പ്പെടെ പലവിധ പ്രതിസന്ധികളെ തുടര്ന്ന് പദ്ധതി താമസിക്കുകയായിരുന്നു.
ദേശീയ അതിവേഗ റെയില്വേ കോര്പ്പറേഷന് പദ്ധതിക്കായി 48 ശതമാനം വസ്തുവും ഏറ്റെടുത്തതാണ്. ഡിസംബറില് സ്ഥലം ഏറ്റെടുപ്പ് പൂര്ത്തിയായെന്നും പറഞ്ഞിരുന്നു. ശിവസേന - എന് സിപി - കോണ്ഗ്രസ് സഖ്യം പക്ഷേ ചെലവ് പറഞ്ഞ് പദ്ധതി പിടിച്ചു വെച്ചിരിക്കുകയാണ്. പദ്ധതി നടപ്പാക്കിയാല് സംസ്ഥാന സര്ക്കാറിന് 5000 കോടി രൂപ ചെലവ് വരുമെന്നാണ് കണ്ടെത്തല്. മണിക്കൂറില് 350 കിലോമീറ്ററാണ് ഈ ട്രെയിന്റെ സ്പീഡ്. 508 കിലോമീറ്ററില് അഹമ്മദാബാദിനെയും മുംബൈയെയും തമ്മില് ബന്ധിപ്പിക്കുന്ന പദ്ധതി 2023 ല് പൂര്ത്തീകരിക്കാമെന്നാണ് പ്രതീക്ഷ. രാജ് താക്കറേയുടെ മഹാരാഷ്ട്ര നവനിര്മ്മാണ സേനയായിരുന്നു ഏറ്റവും പ്രതിസന്ധി.
