ഉത്തര്പ്രദേശ്: ഭാര്യയെ കഴുത്തറുത്ത് കൊലപ്പെടുത്തിയ യുവാവ് പോലീസ് സ്റ്റേഷനില് കീഴടങ്ങി. ഉത്തര്പ്രദേശിലെ ബരാബങ്കിലായിരുന്നു സംഭവം. മുപ്പതുകാരനായ അഖിലേഷ് റാവത്താണ് കുടുംബ വഴക്കിനെ തുടര്ന്ന് ഭാര്യയെ കൊലപ്പെടുത്തിയത്. അറുത്തെടുത്ത തലയുമായി പോലീസ് സ്റ്റേഷനിലെത്തിയ യുവാവ് ദേശീയഗാനം ആലപിക്കുകയായിരുന്നു.
കുടുംബ വഴക്കിനെ തുടര്ന്നാണ് കൊലപ്പെടുത്തിയതെന്ന് പോലീസ് അറിയിച്ചു. അഖിലേഷും ഭാര്യയും തമ്മില് വഴക്ക് ഉണ്ടാകുകയും മദ്യലഹരിയിലായിരുന്ന യുവാവ് ഭാര്യയെ മൂര്ച്ചയേറിയ ആയുധം ഉപയോഗിച്ച് കൊലപ്പെടുത്തുകയുമായിരുന്നുവെന്നും ദേശീയ മാധ്യമങ്ങള് റിപ്പോര്ട്ട് ചെയ്യുന്നു. കൊലപാതക ശേഷം ഭാര്യയുടെ അറുത്ത തലയുമായി പ്രതി പോലീസ് സ്റ്റേഷനില് കീഴടങ്ങി.
പോലീസുകാര് അഖിലേഷില് നിന്ന് ഭാര്യയുടെ തല വാങ്ങാന് ശ്രമിച്ചതോടെ ഇയാള് ദേശീയ ഗാനം ആലപിക്കുകുയും ഭാരത് മാതാ കി ജയ് എന്ന മുദ്രാവാക്യം വിളിക്കുകയുമായിരുന്നു. തുടര്ന്ന് ഏറെ പ്രയാസപ്പെട്ടാണ് പോലീസ് ഇയാളില് നിന്ന് യുവതിയുടെ തല പിടിച്ചുവാങ്ങിയത്. അഖിലേഷിനെതിരെ കേസെടുത്ത് അന്വേഷണം ആരംഭിച്ചതായി പോലീസ് പറഞ്ഞു.
