പൂനെ: വെറും 300 രൂപയുടെ ക്യൂട്ടെക്സ് ഓണ്ലൈനിലൂടെ ഓര്ഡര് ചെയ്ത യുവതിക്ക് നല്കേണ്ടി വന്നത് 92,000 രൂപ. പൂനെയിലെ ഒരു 25 കാരി സോഫ്റ്റ് വേര് എഞ്ചിനീയര്ക്ക് ആയിരുന്നു ഈ ദുര്വ്വിധി. ആദ്യം തന്നെ പണം നല്കിയ യുവതി സാധനം കിട്ടാന് താമസിച്ചതിനെ തുടര്ന്ന് കസ്റ്റമര് കേയറില് വിളിച്ചു ചോദിച്ചപ്പോഴാണ് ഉണ്ടായിരുന്ന പണം കൂടി പോയത്. യുവതിയുടെ പരാതിയില് പോലീസ് അന്വേഷണം തുടങ്ങി.
രണ്ടു പേര്ക്കെതിരേ ഇന്ഫൊര്മേഷന് ആന്റ് ടെക്നോളജി ആക്ട് പ്രകാരം കേസെടുത്തു. ഡിസംബര് 17 നും 30 നുമായിരുന്നു യുവതിയ്ക്ക് പണം നഷ്ടമായത്. ഡിസംബര് 17 നായിരുന്നു യുവതി വെറും 388 രൂപ വിലയുള്ള നെയില് പോളീഷ് ബോട്ടിലിന് ഓര്ഡര് ചെയ്തത്. പണം ബാങ്ക് അക്കൗണ്ട് വഴി നല്കുകയും ചെയ്തു. എന്നാല് സാധനം കിട്ടുമെന്ന് പറഞ്ഞ ദിവസം കഴിഞ്ഞിട്ടും കിട്ടാതെ വന്നതോടെ ഇവരുടെ കസ്റ്റമര് കെയറിലേക്ക് യുവതി വിളിച്ചു. എന്നാല് ഇതുവരെ പേമെന്റ് കിട്ടിയില്ലെന്നും അതുകൊണ്ടു തന്നെ സാധനം ഡെലിവറി നടത്തിയിട്ടില്ലെന്നും ആയിരുന്നു മറുപടി. തുടര്ന്ന് പണം തിരികെ തരാമെന്നും സെല്ഫോണ് നമ്പര് മാത്രം നല്കിയാല് മതിയെന്നും ഫോണിന്റെ മറുതലയ്ക്കലുള്ളയാള് പറഞ്ഞു.
ഫോണ്നമ്പര് നല്കി മിനിറ്റുകള്ക്കുള്ളില് യുവതിയുടെ രണ്ട് സ്വകാര്യബാങ്ക് അക്കൗണ്ടുകളില് നിന്നും അഞ്ച് ഇടപാടുകളായി ഒറ്റയടിക്ക് കുറഞ്ഞത് 90,946 രൂപയായിരുന്നു. ഇത് കൂടാതെ മറ്റൊരു 1500 കൂടി പോയി. മൊത്തം 92,446 രൂപ തന്റെ ബാങ്ക് അക്കൗണ്ടില് നിന്നും മറ്റൊരു ബാങ്ക് അക്കൗണ്ടിലേക്ക് പോയെന്നാണ് യുവതി പോലീസിന് നല്കിയിരിക്കുന്ന പരാതിയില് പറഞ്ഞിരിക്കുന്നത്. അതേസമയം തന്നെ താന് ബാങ്ക് സംബന്ധമായോ അക്കൗണ്ട് സംബന്ധമായോ ഒരു വിവരവും നല്കിയിട്ടില്ലെന്നും യുവതി പോലീസിനോട് പറഞ്ഞു. അന്വേഷണം നടക്കുകയാണ്.
