ബിഗ് ബോസ് സീസണ് ടുവില് ഏറ്റവുമധികം ആരാധകരുള്ള മത്സരാര്ത്ഥിയാണ് ഡോ.രജിത് കുമാര്. മത്സരാര്ത്ഥികളില് പലരും ഹൗസിനുള്ളില് രജിത് കുമാറിന്റെ വാദങ്ങളെ എതിര്ക്കാറുണ്ട്. സോഷ്യല് മീഡിയയില് രജിത്തിനെ എതിര്ക്കുന്നവര്ക്കെതിരെ ആരാധര് രൂക്ഷമായി പ്രതികരണം അഴിച്ചു വിടാറുമുണ്ട്. ബിഗ് ബോസ് സീസണ് വണ്ണിലെ വിജയിയായ സാബുമോന് അബ്ദുസമദ് രജിത് കുമാര് ഹൗസില് പറയാറുള്ള പല വാദങ്ങളെയും എതിര്ത്തു കൊണ്ട് രംഗത്ത് എത്തിയിരുന്നു.
ഇതോടെ സാബുമോനെതിരെ നിരവധിയാളുകള് സോഷ്യല് മീഡിയയിലൂടെ ആക്രമിച്ചിരുന്നു. ഇപ്പോഴിതാ തനിക്കെതിരെയുള്ള അത്തരം വിമര്ശനങ്ങള്ക്ക് വീണ്ടും ഫേസ്ബുക്ക് ലൈവിലൂടെ മറുപടിയുമായി എത്തിയിരിക്കുകയാണ് സാബു. അശാസ്ത്രിയതയ്ക്കെതിരെയാണ് താന് സംസാരിച്ചതെന്നും, ആരുടെയും ഫാന്സിനെയും ഒന്നും പറയുന്നില്ലെന്നും കാരണം അങ്ങനെ പറഞ്ഞാല് പരിപാടിയുമായി കണക്ടായിപ്പോകുമെന്നും സാബുമോന് പറഞ്ഞു.
'' രജിത് സാര് ഭയങ്കര സംഭവമാണ്,ഒരു രക്ഷയുമില്ല. ഇടയ്ക്ക് രജിത് സാര് എന്റെ അച്ഛനാണെന്ന് വരെ എനിക്ക് തോന്നിയിട്ടുണ്ട്. പൊക്കിയത് മതിയോ?? ഗര്ഭപാത്രം ഊരിപ്പോകലു പോലുള്ള കാര്യങ്ങള് സംസാരിക്കുമ്പോള് ശാസ്ത്രീയമായി സംസാരിക്കണം. അല്ലെങ്കില് കുറച്ച് പേരെങ്കിലും അത് വിശ്വസിക്കും. പ്രസവിച്ച സ്ത്രീയുടെ സ്വഭാവം മോശമായതു കൊണ്ട് ഒരു കുഞ്ഞിനും ഓട്ടിസം ഉണ്ടാകില്ല. ഇത്തരത്തിലുള്ള കാര്യങ്ങള് പ്രചരിപ്പിക്കുന്നതിനെതിരെ കേസെടുക്കണം കേരള സര്ക്കാര്.
മര്യാദ കേട് കാണിക്കുന്നതിന് ഒരു പരിധി ഉണ്ട്. ഒരുപാട് സൈബര് ആക്രമണം നേരിട്ടയാളാണ്. എനിക്ക് ഒരു ഭയവുമില്ല. എന്തൊക്കെ വേണേലും നിങ്ങള് കാണിച്ചോ. അങ്ങനെയുള്ള മര്യാദകേട് പ്രചരിപ്പിക്കാന് പാടില്ല. പലരും എന്നോട് പറഞ്ഞിരുന്നു, ഇത്തരം കാര്യങ്ങളിലൊക്കെ എന്തെങ്കിലും പറഞ്ഞാല് ജീവിക്കാന് പറ്റില്ലെന്നും സിനിമയില്നിന്നൊക്കെ പുറത്താക്കപ്പെടുമെന്നുമൊക്കെ. ഒരുപാട് സൈബര് ആക്രമണം നേരിട്ടിട്ടുള്ള ആളാണ്. എനിക്ക് ഭയമില്ല.
ഒരു ഷോ എന്ന നിലയില് ഒരാളെ നിങ്ങള്ക്ക് പിന്തുണയ്ക്കാം. പക്ഷേ നിങ്ങളുടെ ആരാധനാമൂര്ത്തി പറയുന്ന കാര്യങ്ങള്ക്കകത്തുള്ള ശാസ്ത്രീയതയെക്കുറിച്ച് വളരെ വ്യക്തമായി ആലോചിച്ചിട്ട് മാത്രമേ വിശ്വസിക്കാവൂ. എന്ത് മണ്ടത്തരവും വിശ്വസിക്കുന്നവരാണോ അയാളുടെ വെട്ടുകിളി കൂട്ടങ്ങള്?. വ്യക്തിയെ ആരാധിച്ചോളൂ, പക്ഷേ പറയുന്ന കാര്യങ്ങളെ ശാസ്ത്രീയമായി അപഗ്രഥിച്ചതിന് ശേഷമേ കണക്കിലെടുക്കാവൂ.'- സാബുമോന് നിലപാട് വ്യക്തമാക്കി.
