ബിഗ്ബോസ് റിയാലിറ്റി ഷോ അറുപതില് അധികം ദിവസങ്ങള് പിന്നിട്ടിരിക്കുകയാണ്. ഈ സമയം മത്സരാര്ത്ഥികള്ക്ക് നല്കിയിരിക്കുന്ന പുതിയൊരു ടാസ്കാണ് തിരനോട്ടം. ഓര്മകളിലേക്ക് മത്സരാര്ത്ഥികളെ തിരികെ കൊണ്ടു പോകുന്ന ടാസ്കാണിത്. ഒരു ബൗളില് എഴുതിയിട്ടിരിക്കുന്ന പേപ്പറുകളില് ഒന്ന് എടുക്കണം. അതില് പറഞ്ഞിരിക്കുന്ന സന്ദര്ഭത്തെ കുറിച്ച് സംസാരിക്കണം.
ഈ ടാസ്കില് എല്ലാവരെയും ഈറന് അണിയിച്ചത് ഡോക്ടര് രജിത് പറഞ്ഞ കഥയാണ്. 'തിരികെ പോകണം എന്ന് ആഗ്രഹിക്കുന്ന ജീവിതത്തിലെ ഒരു പ്രധാനപ്പെട്ട നിമിഷം'. 'എന്റെ ജീവിതം എന്റെ അമ്മയ്ക്ക് വേണ്ടിയുള്ളതാണ്. എന്റെ അമ്മ ജീവിച്ചിട്ടില്ല. എന്റെ അമ്മ ഇട്ടിരുന്ന കരിമ്പനടിച്ച അടിപ്പാവാടകളെ ഞാന് കണ്ടിട്ടൊള്ളു. കപ്പലില് ഒരു പ്രാവശ്യമെങ്കിലും കൊണ്ടുപോകണമെന്നുള്ളത് വലിയ ആഗ്രഹമായിരുന്നു'.- രജിത് പറഞ്ഞു. അനുസരിക്കില്ല എന്നത് മാത്രമാണ് അമ്മയുടെ ഏറ്റവും വലിയ പ്രശ്നം. ഗാള് ബ്ലാഡര് സര്ജറി ചെയ്യണമെന്ന് പറഞ്ഞപ്പോള് അമ്മ തയ്യാറായില്ല. അന്ന് അമ്മ സര്ജറിക്ക് സമ്മതിച്ചിരുന്നെങ്കില് ഒരിക്കലും ഇന്ന് ഞാന് ഒറ്റയ്ക്കാകില്ലായിരുന്നു. പേപ്പര് വാല്യുവേഷനിടയിലാണ് അമ്മയ്ക്ക് അസുഖം കൂടി എന്ന വാര്ത്ത തേടിയെത്തിയത്. അമ്മയെ പരിശോധിച്ചപ്പോള് സര്ജറി ചെയ്യാന് കഴിയാത്ത അവസ്ഥയായിരുന്നു. അമ്മയോട് ഇക്കാര്യ ഞാന് പറഞ്ഞു. അതൊന്നുമില്ല എന്നാണ് അമ്മ പറഞ്ഞത്. മുപ്പത് ദിവസം കാത്തിരുന്നു. അവസാന ഞാന് ഡോക്ടര്നോട് സര്ജറി ചെയ്യാന് ആവശ്യപ്പെട്ടു. ഒരു ദിവസമെങ്കിലും എന്റെ അമ്മയെ വേദനയില്ലാതെ കാണാന് കഴിയണം എന്ന് മാത്രമേ ഞാന് ആഗ്രഹിച്ചൊള്ളു.
36-ാം ദിവസം അമ്മയുടെ അവസ്ഥ മോശമായി. വീണ്ടും ആശുപത്രിയിലെത്തിച്ചു. 40-ാം ദിവസം ഡയാലിസിസ് തുടങ്ങാന് നിശ്ചയിച്ചു. പക്ഷെ അന്ന് അതിന് കഴിഞ്ഞില്ല. പിറ്റേദിവസം എന്നെ ഒറ്റയ്ക്കാക്കിയിട്ട് അമ്മ പോയി. എനിക്ക് തിരിച്ച് എന്റെ അമ്മയുടെ അടുത്തേക്ക് പോകണം, രജിത്ത് പറഞ്ഞു.
