ന്യൂഡല്ഹി : കോവിഡിനെ തുടര്ന്ന് നാട്ടിലേക്ക് തിരിച്ചുപോവുന്ന കുടിയേറ്റ തൊഴിലാളികളില് നിര്ധനരായവരുടെ ട്രെയിന് യാത്രാക്കൂലി കോണ്ഗ്രസ് വഹിക്കുമെന്ന് വ്യക്തമാക്കി പാര്ട്ടി അധ്യക്ഷ സോണിയ ഗാന്ധി രംഗത്ത്. സ്വന്തം നാട്ടിലേക്ക് മടങ്ങുന്നവരുടെ ട്രെയിന് യാത്രാച്ചെലവ് അതത് കോണ്ഗ്രസ് പ്രദേശ് കമ്മിറ്റികള് വഹിക്കണമെന്ന് അവര് കീഴ്ഘടകങ്ങള്ക്ക് നിര്ദേശം നല്കിയതായാണ് വിവരം.
തോളോട് തോള് ചേര്ന്നു നിന്നു കൊണ്ട് തൊഴിലാളികളോട് ഐക്യദാര്ഢ്യം പ്രകടിപ്പിക്കേണ്ട അവസരമാണിതെന്നും ഇത് കോണ്ഗ്രസിന്റെ എളിയ സേവനമാണെന്നും കോണ്ഗ്രസ് ഔദ്യോഗിക ട്വിറ്ററിലൂടെ അറിയിച്ചു.
കോവിഡ് പ്രതിസന്ധി ഘട്ടത്തിലും തൊഴിലാളികളില് നിന്നും കേന്ദ്രം നിരക്ക് ഈടാക്കുന്നത് ആശങ്കപ്പെടുത്തുന്ന കാര്യമാണെന്ന് സോണിയ പറഞ്ഞു.
യാത്രാനിരക്ക് ഈടാക്കാനുള്ള തീരുമാനത്തില് കേന്ദ്ര സര്ക്കാരിനെതിരെ അവര് രൂക്ഷവിമര്ശനമുന്നയിച്ചു. തൊഴിലാളികള്ക്ക് സൗജന്യയാത്രയെന്ന കോണ്ഗ്രസ് മുന്നോട്ടുവെച്ച ആവശ്യം കേന്ദ്രസര്ക്കാരും റെയില്വേ മന്ത്രാലയവും അവഗണിച്ചു.
कांग्रेस अध्यक्षा, श्रीमती सोनिया गांधी का बयान
भारतीय राष्ट्रीय कांग्रेस ने यह निर्णय लिया है कि प्रदेश कांग्रेस कमेटी की हर इकाई हर जरूरतमंद श्रमिक व कामगार के घर लौटने की रेल यात्रा का टिकट खर्च वहन करेगी व इस बारे जरूरी कदम उठाएगी। pic.twitter.com/DWo3VZtns0— Congress (@INCIndia) May 4, 2020
