വാഷിംഗ്ടണ് ഡി.സി: എച്ച്-1ബി വീസ അടക്കമുള്ള ചില തൊഴില് വീസകള് നല്കുന്നത് തത്ക്കാലത്തേക്ക് നിരോധിക്കാന് അമേരിക്കന് സര്ക്കാര് ആലോചിക്കുന്നതായി റിപ്പോര്ട്ട്. കൊവിഡിനെ തുടര്ന്ന് അമേരിക്കയിലുണ്ടായ തൊഴിലില്ലായ്മ നിരക്ക് പരിഹരിക്കുന്നതിനാണിത്. ഇതു സംബന്ധിച്ച ഉത്തരവ് ഈ മാസം തന്നെ വന്നേക്കുമെന്നാണ് സൂചന. പുതിയ താത്ക്കാലിക, തൊഴില് വീസകള് നിരോധിക്കുന്നത് സംബന്ധിച്ച് പ്രസിഡന്റിന്റെ ഇമ്മിഗ്രേഷന് ഉപദേശകര് ആലോചന തുടങ്ങിയെന്ന് വാള് സ്ട്രീറ്റ് ജേര്ണല് റിപ്പോര്ട്ട് ചെയ്യുന്നു.
ഇന്ത്യയില് നിന്നുള്ള ഐ.ടി വിദഗ്ധര് അടക്കമുള്ളവര് ഏറെ ആശ്രയിക്കുന്നതാണ് എച്ച്-1ബി വീസ. വിദഗ്ധ തൊഴിലാളികളെ തൊഴിലിന് സ്വീകരിക്കുന്നതിനായി തൊഴിലുടമകള് നല്കുന്ന നോണ്-ഇമ്മിഗ്രേഷന് വീസയാണ് എച്ച്-1ബി വീസ. ഇന്ത്യ, ചൈന എന്നിവിടങ്ങളില് നിന്ന് എച്ച്-1ബി വീസയ്ക്ക് ആവശ്യക്കാരേറെ. അഞ്ചു ലക്ഷത്തോളം കുടിയേറ്റ തൊഴിലാളികളാണ് ഈ വീസയില് അമേരിക്കയില് ജോലി ചെയ്യുന്നത്.
അതീവ വൈദഗ്ധ്യം ആവശ്യമുള്ള മേഖലയില് നല്കുന്ന എച്ച്-1 ബി വീസ, അവസരം അനുസരിച്ച് കുടിയേറ്റക്കാര്ക്ക് നല്കുന്ന എച്ച്-2 ബി വീസ, ജോലി ചെയ്യാനുള്ള അവകാശത്തോടെ നല്കുന്ന സ്റ്റുഡന്റ് വീസ എന്നിവ താത്ക്കാലികമായി നിരോധിക്കാനാണ് ആലോചിക്കുന്നത്.
കൊറോണ വൈറസ് മഹാമാരിയെ തുടര്ന്ന് കഴിഞ്ഞ രണ്ടു മാസത്തിനുള്ളില് 3.3 കോടി അമേരിക്കന് പൗരന്മാരാണ് തൊഴില് രഹിതരാണ്. ഏപ്രില് മാസത്തെ തൊഴിലില്ലായ്മ നിരക്ക് 14.7 ശതമാനം കണ്ട് വര്ധിച്ചതായി ജോബ്സ് റിപ്പോര്ട്ടില് വ്യക്തമാക്കുന്നു. ഐ.എം.എഫ് ആന്റ് വേള്ഡ് ബാങ്കും നെഗറ്റീവ് വളര്ച്ചാ നിരക്കാണ് രാജ്യത്ത് കാണിച്ചിരിക്കുന്നത്. രണ്ടാംപാദ സാമ്പത്തിക വര്ഷത്തില് അമേരിക്കയുടെ വളര്ച്ചാനിരക്ക് നെഗറ്റീവ് 15 മുതല് 20 വരെയാകുമെന്നാണ് വൈറ്റ് ഹൗസും വ്യക്തമാക്കുന്നത്.
