ഹോങ്കോങ്: കായിക മാമാങ്കങ്ങള് 'ലൈവ്' ആയി സ്റ്റേഡിയങ്ങള് ഇരുന്ന് കാണുന്നത് ഇനി ഓര്മ്മയാകുമോ എന്ന ആശങ്കയ്ക്കിടെ ആരാധകരുടെ സ്ഥാനത്ത് റോബോട്ടുകളും സെക്സ് ഡോളുകളും ഇടംപിടിച്ചു കഴിഞ്ഞു. കോവിഡ് വ്യാപനത്തിന്റെ പശ്ചാത്തലത്തില് ശൂന്യമായ ഗാലറികളെ സാക്ഷി നിര്ത്തിയാണ് കളിയാരവങ്ങള് ആരംഭിച്ചു കഴിഞ്ഞത്. എന്നാല് ആരാധകരുടെ സ്ഥാനത്ത് ബദല് മാര്ഗങ്ങളും പ്രത്യക്ഷപ്പെട്ടുകഴിഞ്ഞു.
സൗത്ത് കൊറിയന് ഫുട്ബോള് ക്ലബായ എഫ് സി സോള് ഗാലറി സീറ്റ് നിറയ്ക്കാന് ഇറക്കിയത് സെക്സ് ഡോളുകളെയായിരുന്നു. കഴിഞ്ഞ മാസം അവസാനം ആരംഭിച്ച തായ്വാന് ബേസ്ബോള് ലീഗില് ലൈവ് മ്യൂസികുമായി റോബോട്ടുകളും ഗാലറിയില് പ്രത്യക്ഷപ്പെട്ടിരുന്നു. പൊയ്മുടികള് വച്ചുകൊണ്ടും ഡ്രംസ് വായിച്ചുകൊണ്ടും റോബോട്ടുകള് കളിക്കാരെ ആവേശത്തിലാഴ്ത്താന് ഇറങ.ങിയിരുന്നു.
കാര്ഡ്ബോര്ഡ് കട്ടൗട്ടുകളും കൊണ്ടും പല സ്റ്റേഡിയങ്ങളുടെ ഗാലറികളും നിരനിറഞ്ഞു. അതേസമയം ജര്മ്മന് ഫുട്ബോള് €ബായ ബോറഷ്യ ഇത്തിരി കൂടുതല് കടന്നു ചിന്തിച്ചു. ആരാധകര്ക്ക് അവരുടെ വലിപ്പത്തിനുള്ള ഇമേജുകള് കൊണ്ട് രൂപപ്പെടുത്തിയ കട്ടൗട്ടുകളാണ് സ്റ്റാന്ഡുകളില് വയ്ക്കാന് അവസരം നല്കിയത്. ഈ ഓഫര് നേടിയത് ആയിരത്തിലധികം ആരാധകരാണ്. ബൂറേഷ്യ പാര്ക്ക് സ്റ്റേഡിയത്തില് തങ്ങളുടെ കട്ടൗട്ട് വയ്ക്കാന് ആരാധകര് 19 യൂറോയും നല്കേണ്ടി വന്നു.
സോഫ്റ്റ്വെയര് ഡെവലപ്പേഴ്സ് 'മൈഅപ്ലോസ്' എന്ന പേരില് ഒരു ആപ്പും പുറത്തിറക്കി കഴിഞ്ഞു. ഇതിലൂടെ ആരാധകര്ക്ക് അവരുടെ വീടുകളില് ഇരുന്നുകൊണ്ട് ക്രൗഡ് നോയിസ് ഇതിലൂടെ നല്കാന് കഴിയും. കൈയടിക്കുകയോ, ആര്പ്പുവിളിക്കുകയോ, കൂകുകയോ എന്തുമാകാം. ഈ ശബ്ദം സ്റ്റേിയങ്ങളില് പ്ലേ ചെയ്യും. എന്നാല് ആരാധകര്ക്കു പകരമാകില്ല ഒന്നും...എങ്കിലും കോവിഡ് കാലത്ത് കായിക മാമാങ്കങ്ങളുടെ സംഘാടകര്ക്ക് ബദല് മാര്ഗങ്ങള് തേടിയേ തീരൂ..
