ഇസ്ലാമബാദ്: പാക് അധിനിവേശ കശ്മീര് സന്ദര്ശനത്തിനിടെ പാക് ക്രിക്കറ്റ് താരം അഫ്രീദി നടത്തിയ പരാമര്ശങ്ങളില് വിവാദം അവസാനിക്കുന്നില്ല. ഇത്തവണ സഹതാരം തന്നെയാണ് അഫ്രീദിക്കെതിരേ രംഗത്തുവന്നത്. പാക് അധിനിേവശ കശ്മീര് സന്ദര്ശിച്ചപ്പോള് ഇന്ത്യയ്ക്കെതിരേയും പ്രധാനമന്ത്രി നരേന്ദ്ര മോദിക്കെതിരേയും പ്രകോപനപരമായി അഫ്രീദി പ്രസ്താവന നടത്തിയിരുന്നു. മുന് പാക് താരം ഡാനിഷ് കനേരിയാണ് ഇന്ത്യാ വിരുദ്ധ പരാമര്ശത്തില് അഫ്രീദിക്കെതിരേ വിമര്ശനവുമായി രംഗത്തെത്തിയത്.
എന്തെങ്കിലും പറയുന്നതിനു മുമ്പ് അഫ്രീദി അതിനെക്കുറിച്ചു ചിന്തിക്കണം. രാഷ്ട്രീയത്തില് ചേരാനാണ് അദ്ദേഹത്തിനു താല്പര്യമെങ്കില് ക്രിക്കറ്റുമായുള്ള എല്ലാ ബന്ധവും ഉപേക്ഷിക്കുകയാണു വേണ്ടത്. രാഷ്ട്രീയക്കാരനെ പോലെയാണു സംസാരിക്കുന്നതെങ്കില് ക്രിക്കറ്റില്നിന്നു വിട്ടുനില്ക്കണമെന്നും കമനരിയ പറഞ്ഞു. അഫ്രീദിയുടെ ഇത്തരം പ്രസ്താവനകള് പാക്കിസ്ഥാന് ക്രിക്കറ്റിനെക്കുറിച്ച് ഇന്ത്യയിലും ലോകത്താകെയും നെഗറ്റീവ് ഇമേജാണു സൃഷ്ടിക്കുകയെന്നും കനേരിയ പറഞ്ഞു.
ഇന്ത്യന് പ്രധാനമന്ത്രിക്കെതിരേ അത്തരം വാക്കുകള് ഉപയോഗിക്കരുത്. പാക് പ്രധാനമന്ത്രി ഇമ്രാന് ഖാന് പോലും ഇത്ര ധിക്കാരപരമായി സംസാരിച്ചിട്ടില്ല. ഇമ്രാന് ഖാനില്നിന്നും അഫ്രീദി പഠിക്കണം.
ഒരു വശത്ത് അഫ്രീദി ഇന്ത്യന് ക്രിക്കറ്റ് താരങ്ങളായ യുവരാജ് സിങ്, ഹര്ഭജന് സിങ് എന്നിവരില്നിന്നു സഹായങ്ങള് സ്വീകരിക്കുന്നു. എന്നാല് മറ്റൊരു വശത്ത് അവരുടെ രാജ്യത്തെയും പ്രധാനമന്ത്രിയെയും കുറിച്ച് വിഷംപുരണ്ട പ്രസ്താവനകള് നടത്തുന്നു. ഏതു തരത്തിലുള്ള സൗഹൃദം ആണ് ഇത്? കനേരിയ ചോദിച്ചു. ഇന്ത്യ പാക്കിസ്ഥാന് ക്രിക്കറ്റ് വീണ്ടും നടത്തണമെന്നാണു ആഗ്രഹമെന്നും കനേരിയ പറഞ്ഞു. ഇരു രാജ്യങ്ങളും തമ്മിലുള്ള ക്രിക്കറ്റ് ബന്ധം വീണ്ടും ആരംഭിക്കണം. ഇന്ത്യയും പാക്കിസ്ഥാനും തമ്മില് രാഷ്്രടീയപരമായ ചില പ്രശ്നങ്ങളുണ്ട്. അതു ചര്ച്ചയിലൂടെ പരിഹരിക്കണമെന്നും കനേരിയ അഭിപ്രായപ്പെട്ടു.
ഇംഗ്ലണ്ടില് കൗണ്ടി ക്രിക്കറ്റ് കളിക്കുന്നതിനിടെ കോഴ വിവാദത്തില്പെട്ട കനേരിയ ക്രിക്കറ്റില് വിലക്കു നേരിടുകയാണ്. പാക്കിസ്ഥാന് ക്രിക്കറ്റ് ടീമില് കളിച്ച രണ്ടാമത്തെ മാത്രം ഹിന്ദു മതവിശ്വാസിയാണു ഡാനിഷ് കനേരിയ.
