ഡബ്ള്യൂഡബ്ള്യൂഇ യിലെ സൂപ്പര്താരങ്ങളില് ഒരാളായ അണ്ടര് ടേക്കര് റസ്ളിംഗ് കരിയര് അവസാനിപ്പിക്കുന്നു. 33 വര്ഷം റസ്ളിംഗ് റിംഗില് ചെലവഴിച്ച താരം വിരമിക്കുന്നതായി ഞായറാഴ്ച തുടങ്ങിയ ലാസ്റ്റ് റൈഡ് ഡോക്യൂസീരിസിലാണ് വ്യക്തമാക്കിയിട്ടുള്ളത്. താനിനി സമാധാനത്തിന്റെ വഴിയിലാണ് എന്നും ഗുസ്തിപിടിക്കാന് ഇല്ലെന്നും പുതിയ താരങ്ങള്ക്കായി വഴി മാറുന്നതായും കുടുംബത്തിനൊപ്പം ചെലവഴിക്കണമെന്നുമെല്ലാമാണ് താരം പറഞ്ഞിരിക്കുന്നത്. അമേരിക്കയിലെ ടെക്സാസുകാരനായ മാര്ക്ക വില്യം കലാവേയാണ് ഡബ്ള്യൂ ഡബ്ള്യൂ ഇ റിംഗില് അണ്ടര്ടേക്കര് എന്ന പേരില് അറിയപ്പെട്ടത്. 'ഡെഡ്മാന്' എന്ന തീമില് വന്നിരുന്ന അണ്ടര് ടേക്കര് റസ്ളിംഗ് ആരാധകര് അല്ലാത്തവരില് പോലും അറിയപ്പെട്ടിരുന്നു.
കരിയറില് ഉടനീളം പല തവണ വിരമിക്കല് ചോദ്യങ്ങളെ അവഗണിച്ചിരുന്ന അണ്ടര്ടേക്കര് പക്ഷേ ഇത്തവണ ശരിക്കും റിംഗിനോട് വിട പറയുകയാണെന്നാണ് വ്യക്തമാക്കിയിട്ടുള്ളത്. മാര്ക്ക് കലാവേ എന്നാണ് അദ്ദേഹത്തിന്റെ യഥാര്ത്ഥ പേര്. അണ്ടര് ടേക്കര് ദി ലാസ്റ്റ് ഡൈ് എന്ന ഡോക്യൂസീരീസാണ് അദ്ദേഹത്തിന്റെ അവസാന എപ്പിസോഡ്. എ ജെ സ്റൈല്സിനെതിരേ ബോണ്യാര്ഡിലെ മത്സരവാകും ഏറ്റവും ഒടുവിലത്തേത് എന്നാണ് റിപ്പോര്ട്ടുകള്. ഡെഡമാന്റെ ഫൈനല് ചാപ്റ്ററില് പങ്കാളിയാകാന് കഴിയുന്നതില് താന് ഏറെ ആദരിക്കപ്പെട്ടെന്നാണ് സ്ല്ൈസിന്റെ ട്വീറ്റ്. ഇരുവരുടെയും മത്സരത്തിനായി ഡബ്ള്യൂ ഡബ്ള്യൂ ഇ വ്യത്യസ്തമായ പദ്ധതിയാണ് ആവിഷ്ക്കരിക്കുന്നത്. കോവിഡ് കാര്യങ്ങള് മാറ്റിമറിച്ചിരിക്കുന്ന സാഹചര്യത്തില് പുതിയ ഗിമ്മിക്കിനായി ഒരുങ്ങുകയാണ് ഇരുവരുമെന്നാണ് റിപ്പോര്ട്ടുകള്.
ലാസ്റ്റ് റൈഡ് ഡോക്യൂ സീരീസില് അണ്ടര്ടേക്കറിന്റെ വ്യക്തിജീവിതത്തിന്റെ ഒരു ചെറിയ ഭാഗവും ഉള്പ്പെടുത്തിയിട്ടുണ്ടെന്നാണ് വിവരം. '' കരിയറിന്റെയും ജീവിതത്തിന്റെയും ഈ ഘട്ടത്തില് ഇനി ഒരിക്കലും റിംഗിലേക്ക് മടങ്ങാന് ആഗ്രഹിക്കുന്നില്ല. ശരിക്കും ഇത്തവണ കൗബോയ് ഓടിയകലാനുള്ള സമയമായി.'' ഡോക്യൂ സീരിസിന്റെ അവസാന എപ്പിസോഡില് അണ്ടര്ടേക്കര് പറഞ്ഞു. '' ഇനിയൊരു പോരും അവശേഷിക്കുന്നില്ല. ഇനിയൊന്നും നേടാനും ബാക്കിയില്ല. കളിയെല്ലാം മാറിയിരിക്കുന്നു. പുതിയ ആള്ക്കാരാണ് ഇനി വരേണ്ടത്. സ്വയം കണ്ടെത്താന് ഈ ഡോക്യുമെന്ററി സഹായമായി. ഇത് വലിയ ചിത്രത്തിലേക്ക് എന്റെ കണ്ണു തുറപ്പിക്കുന്നു.'' എന്നും താരം പറഞ്ഞു.
1987 ലായിരുന്നു റസ്ളിംഗില് അണ്ടര്ടേക്കര് അഭ്യാസം തുടങ്ങിയത്. ഫ്ളോറിഡയിലെ ഒര്ലാന്റോയിലെ ഡബ്ള്യൂ ഡബ്ള്യൂ ഇ പെര്ഫോമര് സെന്ററില് ഏപ്രില് നാലിനായിരുന്നു സ്റ്റൈല്സുമായുള്ള പെര്ഫോമന്സ് നടത്തിയത്. രേഖയും അക്ഷയ്കുമാറും രവീണാ ഠണ്ഠനും പ്രധാനവേഷം ചെയ്ത ഖിലാടിയോം കാ ഖിലാഡി എന്ന ബോളിവുഡ് ചിത്രത്തില് അണ്ടര് ടേക്കര് ഗുസ്തിക്കാരനായി തന്നെ വേഷമിട്ടിട്ടുണ്ട്. സിനിമയില് ഡബ്ള്യൂ ഡബ്ള്യൂ എഫ് മുന് താരങ്ങളായ ക്രഷും ബ്രയന്ലീയും വേഷമിട്ടിരുന്നു.
