ആഷിഖ് അബു- പൃഥ്വിരാജ് കൂട്ടുകെട്ടില് മലബാര് വിപ്ലവം പശ്ചാത്തലമാക്കി സിനിമ പ്രഖ്യാപിച്ചതിന് പിന്നാലെ വലിയ സൈബര് ആക്രമണമാണ് ഉണ്ടാകുന്നത്. വാരിയംകുന്നത്ത് കുഞ്ഞഹമ്മദ് ഹാജിയുടെ കഥ പറയുന്ന ചിത്രം വാരിയംകുന്നന് ഇന്നലെയാണ് പ്രഖ്യാപനം ഉണ്ടായത്. ഇതിന് പിന്നാലെയാണ് സൈബര് ആക്രമണം ഉണ്ടായത്. ഇപ്പോള് ചിത്രത്തിനും അണിയറപ്രവര്ത്തകര്ക്കും പിന്തുണയുമായി സംവിധായകരായ മിഥുന് മാനുവല് തോമസും അരുണ് ഗോപിയും രംഗത്ത് എത്തയിരിക്കുകായണ്.
സിനിമയെ ആര്ക്കാണ് പേടിയെന്നായിരുന്നു മിഥുന്റെ ചോദ്യം. അടിത്തറ ഇല്ലാത്തവര്ക്കോ? അതോ അസ്തിത്വം ഇല്ലാത്തവര്ക്കോ, അതോ ചരിത്രമില്ലാത്തവര്ക്കോ? അതോ ധൈര്യമില്ലാത്തവര്ക്കോ? ആദ്യം സിനിമ വരട്ടേന്ന്. ഇങ്ങളൊന്ന് വെയ്റ്റ് ചെയ്യൂ എന്നായിരുന്നു മിഥുന്റെ പോസ്റ്റ്.
കഥപറയാന് മതവും ജാതിയും നോക്കേണ്ടി വന്നാല് ആ നാട് വിപത്തിലേക്കാണ് എന്നായിരുന്നു അരുണ്ഗോപി കുറിച്ചത്. മണ്ണിന്റെയും മനുഷ്യരുടെയും കഥയുമായി എത്തുന്ന പ്രിയപ്പെട്ടവര്ക്ക് അഭിനന്ദനങ്ങളെന്നും അരുണ് കുറിച്ചു
