ജയിലില് ശിക്ഷ അനുഭവിക്കുന്നവരെ കുറിച്ചും ശിക്ഷ കഴിഞ്ഞവരെ കുറിച്ചും സൈക്കോളജിസ്റ്റ് കൗണ്സിലറായ കല മോഹന് ഫേസ്ബുക്കില് കുറിച്ച വാക്കുകളാണ് വൈറലാവുന്നത്. ജയിലില് ശിക്ഷ അനുഭവിക്കാന് വന്നവര്ക്കു ശിക്ഷ തന്നെ കൊടുക്കണം എന്നാണ് കല മോഹന് പറയുന്നത്. ചപ്പാത്തിയും ചിക്കനും കൊടുക്കുക അല്ല വേണ്ടത്.. പഴയ ഗോതമ്പുണ്ട തന്നെ ആയിക്കോട്ടെ.. ശിക്ഷ ആണല്ലോ ജയിലില് വേണ്ടത്.. തിന്നു കൊഴുത്തു, ചെന്നതിലും ഗംഭീരമായ ക്രിമിനല് വാസനയും ആയി പുറത്തു ഇറങ്ങും എന്ന അവസ്ഥ ആകരുതെന്നും കല പറയുന്നു.
കല മോഹന്റെ കുറിപ്പിന്റെ പൂര്ണരൂപം;
Face book സുഹൃത്തിന്റെ ഒരു ലേഖനം ആണ്, രാവിലെ ശ്രദ്ധയില് പെട്ടത്..
ജയില് ചാടിയ വനിതകളെ കുറിച്ച്..
ഒരിത്തിരി കാര്യം പറഞ്ഞോട്ടെ ഞാന്..?
അട്ടന്കുളങ്ങര ജയിലില് ഞാന് ഭാഗമായ ഒരു project ന്റെ ഒപ്പം ഏതാനും മാസങ്ങള്ക്കു മുന്പ് ചെന്നിരുന്നു..
ഞങ്ങള് മൂന്ന് പേര് ഉണ്ടായിരുന്നു..
രണ്ടു പേരും, spychologist ആയ ഞാനും..
Stress അളക്കുക എന്നതിനായി ഒരു tool ഉണ്ടാക്കി ആണ് ഞാന് പോയത്..
അതിനപ്പുറം ആയി,
അവരോടു സംസാരിക്കുക, നേരിട്ടു കാര്യങ്ങള് ഗ്രഹിക്കുക..
വര്ഷങ്ങള്ക്കു മുന്പ്, ഇതേ ജോലിയും ആയി പൂജപ്പുര ജയിലില് പോകുകയും അന്ന് അവിടെ ഉണ്ടായിരുന്ന, മണിച്ചന്, ഹൈറന്നുസ, ( താത്ത ), dysp shaji, ബിനിത കുമാരി, തുടങ്ങിയവരെ കണ്ടിരുന്നു..
അത് ഞാന് ഒറ്റ ആയി ചെയ്ത ഒരു പഠനത്തിന്റെ ഭാഗമായിരുന്നു..
വധശിക്ഷ, ജീവപര്യന്തം ആയിരുന്നു തിരഞ്ഞെടുത്തതും..
പ്രസിദ്ധീകരിക്കരുത് എന്നൊരു നിര്ദ്ദേശം അന്നും ഉണ്ടായിരുന്നു..
പക്ഷെ, മണിക്കൂറുകള് ചിലവിട്ടു ആ പഠനം ഏറെ കുറെ ഞാന് ചെയ്തു..
വര്ഷങ്ങള് കഴിഞ്ഞു, ഒരു പ്രൊജക്റ്റ് ന്റെ ഭാഗമായി അട്ടന്കുളങ്ങര എത്തുമ്പോള്,
അവിടെ നിയമങ്ങള് പിന്നെയും മാറി മറിഞ്ഞു..
ഒരു അഞ്ചു പേരെ ഞാന് ഇന്റര്വ്യൂ ചെയ്തിട്ടുണ്ടാകും..
സംസാരിച്ചിട്ടുണ്ടാകും..
കാരണവര് വധക്കേസ് ഷെറിന് അടക്കം.
അപ്പോഴേയ്ക്കും, order എത്തി..
നിര്ത്തിവെയ്ക്കാന്..
ഒരു കാര്യം അന്നും ഇന്നും ബോധ്യപ്പെട്ടതും തോന്നിയതും ഒന്നാണ്..
ചപ്പാത്തിയും ചിക്കനും കൊടുക്കുക അല്ല വേണ്ടത്..
പഴയ ഗോതമ്പുണ്ട തന്നെ ആയിക്കോട്ടെ..
ശിക്ഷ ആണല്ലോ ജയിലില് വേണ്ടത്..
തിന്നു കൊഴുത്തു, ചെന്നതിലും ഗംഭീരമായ criminal വാസനയും ആയി പുറത്തു ഇറങ്ങും എന്ന അവസ്ഥ ആകരുത്..
പുറം ലോകത്ത് എത്തുമ്പോള്, ജയില് ശിക്ഷ അനുഭവിച്ചതിന്റെ എന്തെങ്കിലും മാനസിക പരിവര്ത്തനം ഉണ്ടാകണം..
എന്തെങ്കിലും കൈത്തൊഴില് ചെയ്തു ജീവിക്കാന് സാഹചര്യം ഒരുക്കണം..
ആത്മനിന്ദ അല്ല ചെയ്തു പോയതിനെ ഓര്ത്ത് കുറ്റബോധം ഉണ്ടായി, മാനസാന്തര പെടട്ടെ..
അതൊരു വലിയ കര്ത്തവ്യം ആണ്..
sPychitarist, spychologist, തുടങ്ങി ഒരുപാട് പേരുടെ സേവനം കൃത്യമായി വേണ്ട ഒന്ന്.. ജയിലില്
ഇടയ്ക്ക് വന്നു പോകുന്ന ഡോക്ടര് മാരുടെ സഹായം മാത്രമല്ല..
അതിനും അപ്പുറത്തേയ്ക്ക് ഉള്ള സഹായം വേണം..
സമൂഹം എന്താണെന്നു, അതിലെ പച്ചയായ ജീവിതം എന്താണെന്നു, അവിടെ ഉള്ള പൊള്ളുന്ന പ്രശ്നങ്ങള് എന്താണെന്നു ac മുറിയില് ഇരുന്ന് ഭരിക്കുന്ന ഒരാള്ക്കും കൃത്യമായ ധാരണ ഉണ്ടാകില്ല..
ഒരു പൊതുപ്രവര്ത്തകനും അതിന് മെനക്കെടില്ല..
കള്ള് ഷാപ്പില് നീണ്ട que ആയി നില്ക്കാന് നാണമില്ലല്ലോ..
പക്ഷെ, spychologist അല്ലേല് spychitarist ന്റെ അടുത്തു വരണം എങ്കില് ഒളിവു വേണം..
എന്തൊക്കെ ഒളിക്കണം, എന്തൊക്കെ പരസ്യം ആക്കണം എന്നൊരു വ്യക്തത ആദ്യം അവനവനു ധാരണ വേണം..
ജയിലിലെ പ്രശ്നം പുറം ലോകം അറിയരുത് എന്ന് order കിട്ടിയപ്പോള്, ചെയ്തു കൊണ്ടിരുന്ന ജോലി നിര്ത്തി മണിക്കൂറുകള് എനിക്ക് motivational class കൊടുക്കേണ്ടി വന്നു..
അത് കൊണ്ട് ഒരു പ്രയോജനവും ഉണ്ടാകാന് പോകുന്നില്ല എന്ന ചൊറിച്ചില് എന്റെ മനസ്സില് നിറച്ചു കൊണ്ട്..
പണ്ട്, പോക്സോ നിയനം പ്രാബല്യത്തില് വരും മുന്പ്, പല പീഡന കുറ്റങ്ങളും മറച്ചു വെയ്ക്കാന് നിര്ബന്ധിത ആയിട്ടുണ്ട്..
ഈ സ്കൂളിന്റെ പേര് കളയരുത് എന്നൊരു ഭീഷണിയുടെ മുന്നില് വഴങ്ങി..
വീട്ടില് നിന്നും പെണ്കുട്ടി അല്ലേല് ആണ്കുട്ടി അനുഭവിക്കുന്ന പീഡനം പുറത്തു വന്നാല്, എങ്ങനെ സ്കൂളിന് ചീത്തപ്പേര് ഉണ്ടാകും എന്ന് അന്ന് ഓര്ത്തിട്ടുണ്ട്..
അതേ പോലെ ആണ്,ജയിലില് പല കുറ്റങ്ങള് നടത്തി എത്തുന്നവരുടെ മാനസിക പ്രശ്നം അതിനു സഹായം ചെയ്യാന് പറ്റുന്നവരുടെ അടുക്കല് എത്തിയാല് എന്താണ് കുഴപ്പം?
അര കള്ളന് പെരും കള്ളനായി പുറത്തു ഇറങ്ങണം എന്നതാണോ?
അതോ ഇനി കയ്യൂക്കുള്ളവന് കാര്യക്കാരന് എന്ന വൃത്തികെട്ട രീതി അവിടെ നടക്കുന്നു എന്നത് പുറത്തു അറിയും എന്ന ഭയമാണോ..
അറിഞ്ഞാല് എന്താ, വാര്ത്ത ആയാല് എന്താ, അതൊക്കെ കുറച്ചു നാളത്തെ കത്തല് അല്ലേ..
മറ്റൊരു വാര്ത്ത കിട്ടുമ്പോള് അതൊക്കെ ചാമ്പല് ആകും..
പിന്നെന്താണെന്നു.. !!?
ഒന്നേയുള്ളു..
ജയിലില് ശിക്ഷ അനുഭവിക്കാന് വന്നവര്ക്കു ശിക്ഷ തന്നെ കൊടുക്കണം..
പക്ഷെ, അവര് പുറത്തിറങ്ങുമ്പോ മാനസാന്തരം വരണം..
പുതിയ ലോകം അവര്ക്ക് മുന്നില് തുറക്കണം..
ഭൂരിപക്ഷം അല്ലേലും കുറച്ചെങ്കിലും..
അവരുടെ മക്കള്, അല്ലേല് പ്രായമായ അച്ഛനും അമ്മയും ഉണ്ട് എങ്കിലോ, കുറ്റം ചെയ്തവര്, പുറത്തു കടക്കും വരെ അതിനു സഹായകമായ കാര്യങ്ങള് ചെയ്തു കൊടുക്കാന് ഒരു സമതി വേണം..
ആ ഒരു കാര്യം നടപ്പിലാക്കാന് പറ്റിയാല് തന്നെ, ഉള്ളില് കിടക്കുന്നവരുടെ മനസ്സ് കുറെ എങ്കിലും തണുക്കും..
നിയമ രക്ഷ വേണ്ടുന്നവര്ക്കു അതിനുള്ള സഹായം സൗജന്യമായി ചെയ്യാന് വക്കീലന്മാര്ക്കു, സര്ക്കാര് ഒരു വേതനം നിശ്ചയിച്ചിട്ടുണ്ടോ എന്ന് അറിയില്ല..
വക്കീലന്മാര് വെറുതെ ചെയ്യില്ല..
അങ്ങനെ ഒന്ന് ഇല്ല എങ്കില് കഷ്ടമാണ്..
അതിനേ കുറിച്ചു അറിയാവുന്നവര് പറഞ്ഞു തരണം..
ജയില് ചാടി എന്നത് വാര്ത്ത.. അതു അവിടെ തീര്ന്നു.. !
അതല്ലല്ലോ വേണ്ടത്,
അവരുടെ കഥകള് പുറത്തു വരട്ടെ..
ചര്ച്ച ചെയ്തു, എന്തെങ്കിലും പരിഹാരം കിട്ടട്ടെ..
കയ്യൂക്കുള്ളവന് കാര്യക്കാരന് എന്ന നില ഒന്ന് മാറട്ടെ ജയിലില് എങ്കിലും..
അകത്തായത് ശിക്ഷ അനുഭവിക്കാന് ആണേല്, അതിനു എല്ലാവര്ക്കും അവസരം കിട്ടണം..
മറിച്ചു കാണുമ്പോള് ഉണ്ടാകുന്ന ഈര്ഷ്യ ഉണ്ടല്ലോ..
അതിന് വാക്കുകള് ഇല്ല വിവരിക്കാന്..
കല, കൗണ്സലിംഗ് സൈക്കോളജിസ്റ്
