ഇന്ത്യന് അതിര്ത്തികളില് ചൈന ആക്രമിച്ചതും നമ്മുടെ രാജ്യത്തിന് വേണ്ടി പട്ടാളക്കാർ വീരമൃത്യുവരിച്ചതും ഈ കൊറോണക്കാലത്തും നമ്മള് ഏവരും ചര്ച്ച ചെയ്ത ഒരു സംഭവമായിരുന്നു. ചൈനീസ് ഉത്പന്നങ്ങളും ടിക്ക് ടോക്ക് പോലുള്ള ചൈനീസ് ആപ്പുകളും നിരോധിച്ചും ഇന്ത്യ തിരിച്ചടിച്ചു. ഈ ചെെനീസ് ബഹിഷ്കരണത്തെ വേറിട്ട രീതിയിൽ അവതരിപ്പിക്കുകയാണ് 'ഒരു ഇന്ത്യന് പ്രതികാരം' എന്ന ഹ്രസ്വചിത്രത്തിലൂടെ. മമ്മൂട്ടിയാണ് ചിത്രം സാമൂഹിക മാധ്യമങ്ങളിലൂടെ പുറത്തിറക്കിയത്.
''നാം ഓരോര്ത്തര്ക്കും എന്ത് ചെയ്യാന് പറ്റും എന്ന് ഏറ്റവും ലളിതമായി കാണിച്ചു തരികയാണ് കലാഭവന് ഹനീഫ് അഭിനയിച്ച ഈ ചിത്രം. ഒരു സാധാരണക്കാരന്റെ നന്മയിൽ കുതിർന്ന പ്രതികാരമാണിത്''- അണിയറ പ്രവർത്തകർ പറയുന്നു.
മഹേഷ് ശര്മ്മ കഥയെഴുതി സംവിധാനം ചെയ്ത് നിർമിച്ച ഈ ചിത്രത്തില് മാസ്റ്റര് അമര്നാഥ് എസ ആണ് മറ്റൊരു പ്രധാനകഥാപാത്രത്തെ അവതരിപ്പിക്കുന്നത്.
