കൊല്ലം:പ്രായപൂര്ത്തിയാകാത്ത മക്കളെ ഉപേക്ഷിച്ച് നാടുവിട്ട കമിതാക്കളെ പോലീസ് അറസ്റ്റ് ചെയ്തു. പള്ളിമണ് സ്വദേശിയായ ഷരീഫ്(38), മുട്ടക്കാവ് സ്വദേശിനിയായ മുബീന(33) എന്നിവരെയാണ് പോലീസ് അറസ്റ്റ് ചെയ്തത്. ഇരുവര്ക്കും പ്രായപൂര്ത്തിയാകാത്ത രണ്ട് മക്കളുണ്ട്. മക്കളെ ഉപേക്ഷിച്ചാണ് കമിതാക്കള് ഒളിച്ചോടിയത്. യുവതിയുടെ പ്രവാസിയായ ഭര്ത്താവ് നാട്ടില് എത്തി ക്വാറന്റീനില് കഴിയവെയാണ് ഇവര് കാമുകനൊപ്പം പോയത്.
സൗദി അറേബ്യയിലെ ജോലി സ്ഥലത്ത് നിന്ന് മടങ്ങിയെത്തി കൊട്ടിയത്തെ ലോഡ്ജില് നിരീക്ഷണത്തില് കഴിയുന്ന ഭര്ത്താവിന് കഴിഞ്ഞ മാസം 19ന് ആഹാരം എത്തിച്ച് കൊടുത്ത ശേഷമാണ് മുബീനയെ കാണാതാവുന്നത്.യുവതിയെ കാണാനില്ലെന്ന പരാതിയില് കണ്ണനല്ലൂര് പോലീസ് അന്വേഷണം നടത്തി വരികയായിരുന്നു. ഇതിനിടെയാണ് ഭര്ത്താവിനെ കാണാനില്ലെന്ന പരാതിയുമായി ഷരീഫിന്റെ ഭാര്യ പോലീസിനെ സമീപിക്കുന്നത്.
പ്രാഥമിക അന്വേഷണത്തില് തന്നെ ഇരുവരും ഒരുമിച്ചാണ് പോയതെന്ന് പൊലീസിന് ബോധ്യപ്പെട്ടിരുന്നു. ഫോണ് രേഖകളുടെ അടിസ്ഥാനത്തില് കണ്ണനല്ലൂര് പൊലീസ് നടത്തിയ അന്വേഷണത്തിലാണ് ഇരുവരും പിടിയിലായത്. ജുവനൈല് ജസ്റ്റിസ് ആക്ട് പ്രകാരമാണ് ഇരുവരുടെയും അറസ്റ്റ് രേഖപ്പെടുത്തിയത്. കണ്ണനല്ലൂര് എസ്.എച്ച്.ഒ യു.പി.വിപിന്കുമാറിന്റെ നേതൃത്വത്തിലുള്ള അന്വേഷണ സംഘമാണ് ഇരുവരെയും പിടികൂടിയത്.
