രസകരമായ സംഭാഷണവുമായി മന്ത്രി എംഎം മണിയും നടന് ഇന്ദ്രന്സും. ആട് സിനിമ കണ്ട മണിയാശാന് തന്നോട് ദേഷ്യം തോന്നിയോ എന്നാണ് ഇന്ദ്രന്സ് മന്ത്രിയോട് ചോദിക്കുന്നത്. ഇന്ദ്രന്സിന്റെ ചോദ്യവും മണിയാശാന്റെ മറുപടിയുമെല്ലാം സോഷ്യല് മീഡിയയില് വെെറലായി മാറുകയാണ്. കേരള ഒബ്സെര്വര് യൂട്യൂബ് ചാനലിലായിരുന്നു ഇരുവരും പങ്കെടുത്ത അഭിമുഖം.
''ആട് എന്ന സിനിമ പുറത്തിറങ്ങിയ ശേഷം എനിക്കൊരു ഭയമൊക്കെ ഉണ്ടായിരുന്നു. ആശാന് എന്നോട് ദേഷ്യം തോന്നുമോ ദേഷ്യം കാണിക്കുമോ എന്നൊക്കെ. അങ്ങനെ ഞാന് പല പരിപാടികളില് നിന്നു മാറി നിന്നിട്ടുണ്ട്''. ഇന്ദ്രന്സ് പറയുന്നു. തന്റേതായ ശെെലിയിലായിരുന്നു ഇതിന് മണിയാശാന്റെ മറുപടി.
''ഏയ് എനിക്ക് അങ്ങനെയൊന്നും തോന്നുകേല. എനിക്ക് നിങ്ങളെ ഭയങ്കര ഇഷ്ടമാണ്'' എന്നാണ് അദ്ദേഹത്തിന്റെ മറുപടി. ആട് സിനിമയില് ഇന്ദ്രന്സ് അവതരിപ്പിച്ച കഥാപാത്രം എംഎം മണിയുമായി രൂപം കൊണ്ടും ഭാവം കൊണ്ടുമെല്ലാം വളരെയധികം സാമ്യതയുള്ളതായിരുന്നു. ഒരുപാട് കാര്യങ്ങളില് തനിക്കും നിങ്ങള് ആശാനാണെന്നും അങ്ങനെ തന്നെ വിളിച്ചോട്ടെ എന്നും ചോദിച്ചു കൊണ്ടാണ് ഇന്ദ്രന്സ് അഭിമുഖം ആരംഭിക്കുന്നത്.
തനിക്കും അഭിനയ മോഹങ്ങളുണ്ടായിരുന്നുവെന്ന് മണി വെളിപ്പെടുത്തി. ചില സീനുകളില് അഭിനയിച്ചുണ്ടെന്നും എന്നാല് പിന്നീട് കലാജീവിതം അവസാനിപ്പിക്കേണ്ടി വന്നുവെന്നും അദ്ദേഹം പറഞ്ഞു.
