ഇനിയുള്ള സിനിമയും ലോകവും നിലപാട് പറയുന്നവരുടെതാണ്! റോഷനേയും ദർശനയേയും പിന്തുണച്ച് ഹരീഷ് പേരടി

കഴിഞ്ഞ ദിവസമാണ് നടൻ റോഷൻ മാത്യു അഭിമുഖത്തില്‍ പറഞ്ഞ കാര്യങ്ങള്‍ വളച്ചൊടിച്ചെന്ന ആരോപണവുമായി രംഗത്തെത്തിയത്. മലയാളത്തിലെ ഒരു പ്രമുഖ മാധ്യമത്തിൽ പ്രസിദ്ധീകരിച്ചു വന്ന അഭിമുഖത്തെയാണ് റോഷന്‍ രൂക്ഷമായി വിമർശിച്ചിരിക്കുന്നത്. അഭിമുഖം വളച്ചൊടിച്ചതിൽ നല്ല ദേഷ്യമുണ്ടെന്ന് താരം വ്യക്തമാക്കിയിരുന്നു. അഭിമുഖത്തിലെ ഓരോ തെറ്റും എടുത്ത് പറഞ്ഞു കൊണ്ടായിരുന്നു റോഷൻ പ്രതികരിച്ചത്.

സിയു സൂണിലെ താരങ്ങളായ റോഷന്‍ മാത്യുവും ദര്‍ശനയും നല്‍കിയ അഭിമുഖത്തിനെതിരെ വിമര്‍ശനം ഉയര്‍ന്ന സാഹചര്യത്തിൽ നടൻ്റെ തുറന്നു പറച്ചിലിനെ അഭിനന്ദിച്ച് നടന് പിന്തുണ നൽകി രംഗത്തെത്തിയിരിക്കുകയാണ് നടൻ ഹരീഷ് പേരടി. തൻ്റെ ഫേസ്ബുക്ക് കുറിപ്പിലൂടെയാണ് ഹരീഷ് പേരടി അഭിപ്രായം വ്യക്തമാക്കിയിരിക്കുന്നത്. ഹരീഷ് പേരടിയുടെ ഫേസ്ബുക്ക്

കുറിപ്പിൻ്റെ പൂർണ്ണ രൂപം

'റോഷൻ, സത്യം എണ്ണി പറഞ്ഞ് നിലപാട് വ്യക്തമാക്കി. ഇനിയുള്ള സിനിമയും ലോകവും നിലപാട് പറയുന്നവരുടെതാണ്. പേടി തൂറികളുടെതല്ല, നാടകം നാടിന്റെ അകമാണ്. നാടകം പഠിച്ചവൻ, കളിച്ചവൻ അങ്ങനെയേ പറയു, അഭിനന്ദനങ്ങൾ. ഓടിടിയാണെങ്കിലും തീയേറ്ററുകളാണെങ്കിലും സിനിമയുടെ യഥാർത്ഥ രാജക്കൻമാർ പ്രേക്ഷകരാണ്.