പ്രഫഷണല് നെറ്റ്വര്ക്കിംഗ് സൈറ്റ് ലിങ്ക്ഡ് ഇന് ഒരു കൂട്ടം പുതിയ ഫീച്ചറുകളുമായി എത്തിയിരിക്കുന്നു. സന്ദേശങ്ങള് എഡിറ്റ് ചെയ്യാനും ഡിലീറ്റ് ചെയ്യാനുമുള്ള ഫീച്ചറുകള്, ഇമോജികള് പങ്കുവെക്കാനുള്ള സൗകര്യം, വീഡിയോ മീറ്റിങ്, ഓണ്ലൈന് ചാറ്റുകളിലേക്ക് മറ്റുള്ളവരെ ക്ഷണിക്കാനുള്ള സൗകര്യം എന്നിവയാണ് അവതരിപ്പിക്കുന്നത്.
മറ്റ് ഉപയോക്താക്കളുമായി വീഡിയോ കോള് ചെയ്യുന്നതിന് മൈക്രോസോഫ്റ്റ് ടീംസ്, വരിസോണ് ബ്ലൂജീന്സ്, സൂം എന്നിവ ലിങ്ക്ഡിന് ഉള്ളില് തന്നെ ഉപയോഗിക്കാനാവും. ഈ ഫീച്ചര് ഉടന് ലഭ്യമാക്കുമെന്നാണ് റിപ്പോർട്ട്.
മോശം സന്ദേശങ്ങള് റിപ്പോര്ട്ട് ചെയ്യാനുള്ള സൗകര്യവും ഒന്നിലധികം സന്ദേശങ്ങള് ഒന്നിച്ച് ആര്ക്കൈവ് ചെയ്യാനോ നീക്കം ചെയ്യാനോ ഉള്ള സൗകര്യവും ലഭിക്കും. കൂടാതെ, അബദ്ധത്തില് അയച്ചുപോയ സന്ദേശങ്ങള് തിരുത്താനും നീക്കം ചെയ്യാനുമുള്ള സംവിധാനവും ലഭ്യമാണ്. ഇതിനായി സന്ദേശങ്ങള്ക്ക് മേല് ലോങ് പ്രസ് ചെയ്യുകയോ ഡബിള് ക്ലിക്ക് ചെയ്യുകയോ ചെയ്താല് മതി.
