ഡോ.നെല്സണ് ജോസഫ് ഫേസ്ബുക്കില് പങ്കുവെച്ച കുറിപ്പ് ചര്ച്ചയാവുകയാണ്. താന് എന്തുകൊണ്ട് പെണ്കോന്തന് ആകുന്നു എന്ന തലക്കെട്ടോടെയാണ് നെല്സണ് ജോസഫ് കുറിപ്പ് പങ്കുവെച്ചിരിക്കുന്നത്. അതുകൊണ്ട് പെണ്കോന്തനാവുന്നെങ്കില് അങ്ങട് ആവട്ട് ചേട്ടാ.. എന്റെ ഭാര്യ എന്നെ കാണുമ്പൊ പേടിച്ച് വിറയ്ക്കാറില്ല. ' തല്ലി നന്നാക്കാം ' എന്നൊരു വിഡ്ഢിത്തരം ചിന്തിച്ചുവച്ചിട്ടുമില്ല.. അത് നിന്റെ കൈക്ക് എല്ലില്ലാഞ്ഞിട്ടാ 'ആണിന്റെ കൈയുടെ ചൂടറിയുന്നത് വരെയേ ഉള്ളൂ അഹങ്കാരം 'എന്നൊക്കെയുളള ഡയലോഗുകള് അവിടെ വച്ചേര്. കയ്യിലെ എല്ല് ആരെയെങ്കിലും തല്ലാനായിട്ട് മാത്രം തന്നതാണെന്ന് ആരാണ് പറഞ്ഞത്?സ്വയം തീരുമാനമെടുക്കാന് കഴിയാത്ത അവസരങ്ങളുണ്ട്. അപ്പോള് ചെയ്യാറുള്ളത് നേരെ ഫോണെടുത്ത് കുത്തി ലിസ്ബിയെ വിളിക്കുകയാണ്. രണ്ടാണ് കാരണം. ഒന്ന്, ആ തീരുമാനങ്ങളുടെ നേട്ടവും കോട്ടവും അനുഭവിക്കാന് അവളും കൂടെയുണ്ടാവും. രണ്ടാമത്തേത് അത്തരം അവസരങ്ങളില് ഒരാളുടെ അഭിപ്രായം, അല്ലെങ്കില് ഒരാളോട് കൂടി സംസാരിക്കുന്നത് ശരിയായ തീരുമാനങ്ങളെടുക്കാന് സഹായിക്കും...എല്ലാ തീരുമാനവും ഒറ്റയ്ക്കെടുത്തോണമെന്ന് എവിടാ നിയമം?.കെട്ട്യോളോട് കൂടി ആലോചിച്ച് തീരുമാനിക്കുമ്പൊ പെണ്കോന്തനാവുന്നെങ്കില് അങ്ങട് ആവട്ട് ചേട്ടാ..-ഡോ. നെല്സണ് ജോസഫ് കുറിച്ചു.
ഡോ.നെല്സന്റെ കുറിപ്പ്;
Why I am a പെണ്കോന്തന് :
ഇന്നലെ കണ്ട ഒരു കമന്റാണ്. ' വാളയാര്, പാലത്തായി വിഷയങ്ങളില് പാര്വ്വതി ദേവിയുടെ പ്രതികരണം സ്ക്രീന് ഷോട്ടായി ഭക്തര് ഇവിടെ നിക്ഷേപിക്കണം. കുറേ പെണ്കോന്തന്മാരെന്ന് നിങ്ങളേക്കുറിച്ചുള്ള പൊതുബോധവും മാറിക്കിട്ടും.'അതെ ഇറാഖ് ഇറാനെ ആക്രമിച്ചപ്പോള് പാര്വതി എവിടെയായിരുന്നു?
ജപ്പാന് പേള് ഹാര്ബര് ആക്രമിച്ചപ്പൊ പാര്വതി എന്തുകൊണ്ട് പ്രതികരിച്ചില്ല?
അമേരിക്ക ആറ്റം ബോംബിട്ട് പതിനായിരങ്ങളെ കൊന്നപ്പൊ പാര്വതിക്ക് നാക്കില്ലായിരുന്നോ? ഇതിനൊന്നും പ്രതികരിക്കാതെ പിന്നെ ഇപ്പൊ മാത്രം വന്നതെന്തിന്?
സോറി, നമ്മള് വിഷയത്തില് നിന്ന് വഴുതിമാറുന്നു. പറഞ്ഞുവന്നത് ഞാന് പെണ്കോന്തനാവുന്നത് എങ്ങനെയാണെന്നാണല്ലോ.
മീശയും മസിലും ഘനഗാംഭീര്യമുള്ള ശബ്ദവും ഒറ്റ വിളിക്ക് അടുക്കളയില് നില്ക്കുന്ന ഭാര്യ പേടിച്ച് മൂത്രമൊഴിക്കുന്നത്ര ടെററും പിന്നെ വെട്ടൊന്ന് മുറി രണ്ടെന്ന് പറഞ്ഞ രീതിയില് എടുക്കുന്ന തീരുമാനങ്ങളും ആകാശം ഇടിഞ്ഞ് വീണാലും നെഞ്ച് വിരിച്ച് നില്ക്കുന്ന നില്പ്പുമൊക്കെയുള്ള ആ പരമ്പരാഗത പുരുഷ മാതൃകകളുടെ അപ്പുറത്ത് വരുന്ന ആണുങ്ങളെ വിളിക്കുന്ന പേരാണല്ലോ അതൊക്കെ...
നമുക്ക് ഓരോന്നായിട്ടെടുക്കാം....
പലവട്ടം എഴുതിയിട്ടുള്ളതുകൊണ്ട് കളിയാക്കല് കേട്ടിട്ടുള്ള പേരുകളിലൊന്നാണ് ജസിന്ഡ ആര്ഡന്.
ജസിന്ഡ മാത്രമല്ല സ്ഥിരം കക്ഷി. പാര്വതി, ആരോഗ്യമന്ത്രി കെ.കെ.ശൈലജ , ഷാനിമോള് ഉസ്മാന്, ഷെല്ലി ആന് ഫ്രേസര്, കാറ്റി ബോമാന്, സാനിയ മിര്സ എന്നിവരെക്കുറിച്ചൊക്കെ ഒന്നിലധികം തവണ എഴുതിയിട്ടുള്ളതാണ്.
ഒന്ന് നോക്കിയാല് ഇവര്ക്കൊരു പൊതു സ്വഭാവം കാണാം. എല്ലാവരും സ്ത്രീകളാണ് എന്നതല്ല അത്. എനിക്കില്ലാത്ത പലതും ഇവര്ക്കുണ്ട് എന്നതാണ്.
പണ്ട് പഠിക്കുന്ന കാലത്ത്, പ്രത്യേകിച്ച് മെഡിക്കല് കോളജിലുള്ള സമയത്ത് പ്രതികരിക്കണം എന്ന് കരുതിയിരുന്ന പലയിടത്തും മിണ്ടാതിരുന്നിട്ടുണ്ട്. ധൈര്യമില്ലാഞ്ഞിട്ടാണ്. അതുകൊണ്ട് മാത്രമല്ല, പ്രതികരിച്ചാല് എന്തൊക്കെ നഷ്ടപ്പെടുമെന്ന് ആലോചിച്ചിട്ടുകൂടിയാണ്.
അപ്പൊ ആ പ്രത്യാഘാതങ്ങളെ കണക്കിലെടുക്കാതെ ധീരതയോടെ പ്രതികരിക്കുന്നവരെ കാണുമ്പൊ ബഹുമാനം തോന്നാറുണ്ട്....അത് തുറന്ന് പറയാറുമുണ്ട്...
ആ ഒരു കാരണം കൊണ്ട് പെണ്കോന്തനാവുന്നെങ്കില് അങ്ങട് ആവട്ട് ചേട്ടാ..
മസിലും ഘനഗാംഭീര്യവുമുള്ള ശബ്ദവുമില്ല...മാത്രമല്ല നന്നായിട്ടൊന്ന് ഫിസിക്കല് എക്സെര്ഷന് വന്നാല് ചിലപ്പൊ കിതച്ചുപോവും...
അപ്പൊ പ്രസവം കഴിഞ്ഞ് വന്ന് ലോക റിക്കാര്ഡിടുന്ന ഷെല്ലി ആന് ഫ്രേസറെയും കിരീടം നേടുന്ന സാനിയ മിര്സയെയും കാണുമ്പൊ ബഹുമാനം തോന്നേണ്ടേ...
അവരെ ബഹുമാനിക്കുമ്പൊ പെണ്കോന്തനാവുന്നെങ്കില് അങ്ങട് ആവട്ട് ചേട്ടാ..
ഞാന് കരഞ്ഞിട്ടുണ്ട്. പലവട്ടം കരഞ്ഞിട്ടുണ്ട്. നല്ലൊരു സിനിമയില് കണ്ണ് നിറയുന്ന സീന് കണ്ടാല്പ്പോലും കണ്ണ് നിറയുന്നയാളാണ്. വിഷമം വരുമ്പൊ സഹിക്കാന് സ്വല്പം പ്രയാസമുള്ളതുമാണ്.
ആകാശം ഇടിഞ്ഞ് വീഴുമ്പൊ നെഞ്ച് വിരിച്ച് നില്ക്കില്ല. പ്രത്യാഘാതമാലോചിച്ച് ടെന്ഷനടിക്കുന്നയാളാണ്.
അപ്പൊ അങ്ങനെയുള്ള അവസരങ്ങളില് കൃത്യമായ തീരുമാനങ്ങളെടുത്ത് അവ പുഞ്ചിരിയോടെ വിശദീകരിക്കുന്നവരെ ബഹുമാനിക്കുന്നത്, അവരെക്കുറിച്ച് സംസാരിക്കുന്നത്....
പെണ്കോന്തനാക്കുകയാണെങ്കില് അങ്ങട് ആവട്ടെ ചേട്ടാ..
പെണ്ണുങ്ങള് ജോലിക്ക് പോയാലും കേള്ക്കാം ഇത്തരം ഡയലോഗുകള്.
' ഓ, അവനൊരു കഴിവുകെട്ടവനായകൊണ്ടാ '
' പെണ്ണ് കുടുംബം പോറ്റേണ്ട അവസ്ഥ ഇവിടില്ല '
ഇനി ഇതെല്ലാം മറികടന്ന് സ്ത്രീ ജോലിക്ക് പോവുകയും പുരുഷന് കുടുംബം നോക്കുകയും ചെയ്തെന്ന് തന്നെ ഇരിക്കട്ടെ. അവര്, അവരുടെ ജീവിതം എന്ന് കരുതി വഴിക്ക് വിടുകയല്ല, പെണ്ണുണ്ണി, പെണ്കോന്തന്, പാവാട, പാവാടച്ചരട്...എക്സട്രാ...
അപ്പൊ ബ്ലാക് ഹോളിന്റെ ചിത്രമെടുക്കുന്നതില് പങ്കുകൊള്ളുന്നത് തൊട്ട് പ്രധാനമന്ത്രിപദം വരെ ചുരുങ്ങിയ പ്രായം കൊണ്ട് എത്തുന്ന സ്ത്രീകളെക്കുറിച്ച് പറഞ്ഞുകൊണ്ടിരിക്കും...
നിങ്ങള് പറയുന്നതിലെ വിഡ്ഢിത്തം ചൂണ്ടിക്കാട്ടാന്...
അതുകൊണ്ട് പെണ്കോന്തനാവുന്നെങ്കില് അങ്ങട് ആവട്ട് ചേട്ടാ..
എന്റെ ഭാര്യ എന്നെ കാണുമ്പൊ പേടിച്ച് വിറയ്ക്കാറില്ല. ' തല്ലി നന്നാക്കാം ' എന്നൊരു വിഡ്ഢിത്തരം ചിന്തിച്ചുവച്ചിട്ടുമില്ല..
' അത് നിന്റെ കൈക്ക് എല്ലില്ലാഞ്ഞിട്ടാ '
' ആണിന്റെ കൈയുടെ ചൂടറിയുന്നത് വരെയേ ഉള്ളൂ അഹങ്കാരം '
എന്നൊക്കെയുളള ഡയലോഗുകള് അവിടെ വച്ചേര്. കയ്യിലെ എല്ല് ആരെയെങ്കിലും തല്ലാനായിട്ട് മാത്രം തന്നതാണെന്ന് ആരാണ് പറഞ്ഞത്?
സ്വയം തീരുമാനമെടുക്കാന് കഴിയാത്ത അവസരങ്ങളുണ്ട്. അപ്പോള് ചെയ്യാറുള്ളത് നേരെ ഫോണെടുത്ത് കുത്തി ലിസ്ബിയെ വിളിക്കുകയാണ്.
രണ്ടാണ് കാരണം. ഒന്ന്, ആ തീരുമാനങ്ങളുടെ നേട്ടവും കോട്ടവും അനുഭവിക്കാന് അവളും കൂടെയുണ്ടാവും. രണ്ടാമത്തേത് അത്തരം അവസരങ്ങളില് ഒരാളുടെ അഭിപ്രായം, അല്ലെങ്കില് ഒരാളോട് കൂടി സംസാരിക്കുന്നത് ശരിയായ തീരുമാനങ്ങളെടുക്കാന് സഹായിക്കും...
എല്ലാ തീരുമാനവും ഒറ്റയ്ക്കെടുത്തോണമെന്ന് എവിടാ നിയമം?.
കെട്ട്യോളോട് കൂടി ആലോചിച്ച് തീരുമാനിക്കുമ്പൊ പെണ്കോന്തനാവുന്നെങ്കില് അങ്ങട് ആവട്ട് ചേട്ടാ..
അപ്പൊ അതുകൊണ്ട് ചേട്ടാ, ഇത്രയുമൊക്കെ ചെയ്യുന്നതുകൊണ്ട് പെണ്കോന്തനെന്നുള്ള ആ പൊതുബോധമുണ്ടാവുന്നുണ്ടെങ്കില് അത് അവിടെത്തന്നെ ഇരുന്നോട്ടെ.
മാറ്റണ്ട.
