കൊച്ചി: സ്വര്ണ്ണക്കടത്ത് കേസിലെ പത്ത് പ്രതികള്ക്ക് എന്.ഐ.എ കോടതി ജാമ്യം അനുവദിച്ചു. മുഹമ്മദ് ഷാഫി, കെ.ടി ഷറഫുദീന്, മുഹമ്മദ് അലി എന്നിവരുടെ ജാമ്യാപേക്ഷ കോടതി തള്ളി. കേസിലെ മുഖ്യപ്രതികളായ സ്വപ്ന, സരിത് എന്നിവര് ജാമ്യ ഹര്ജി പിന്വലിച്ചിരുന്നു. ഇവരൊഴികെയുള്ള ബാക്കി പത്ത് പ്രതികള്ക്കാണ് ജാമ്യം അനുവദിച്ചത്. സ്വണ്ണക്കടത്ത് കേസില് നേരിട്ട് പങ്കെടുത്ത പ്രതികളല്ല ഇവരെന്ന് ചൂണ്ടിക്കാട്ടിയാണ് കോടതി ജാമ്യം അനുവദിച്ചത്.
സ്വര്ണ്ണക്കത്ത് കേസില് നേരിട്ട് ബന്ധമുണ്ടെന്നും തീവ്രവാദ ബന്ധമുണ്ടെന്നും എന്.ഐ.എ ആരോപിക്കുന്ന പ്രതികള്ക്കാണ് ജാമ്യം ലഭിക്കാതിരുന്നത്. കേസില് എല്ലാ പ്രതികള്ക്കുമെതിരെ യു.എ.പി.എ നിലനില്ക്കുമെന്ന് അന്വേഷണ സംഘം കോടതിയില് വാദിച്ചു. പ്രതികളുടെ രാജ്യാന്തര ബന്ധം അന്വേഷിക്കാന് സമയം ആവശ്യമാണെന്നും എന്.ഐ.എ കോടതിയില് ചൂണ്ടിക്കാട്ടി.
അതേസമയം സ്വര്ണ്ണക്കടത്ത് കേസില് മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം ശിവശങ്കര് ചോദ്യം ചെയ്യലിനായി വീണ്ടും എന്ഫോഴ്സ്മെന്്റിന് മുമ്പാകെ ഹാജരായി. കേസില് അറസ്റ്റ് തടഞ്ഞ് ഹൈക്കോടതി ഉത്തരവിട്ടതിന് പിന്നാലെയാണ് ശിവശങ്കര് ചോദ്യം ചെയ്യലിന് ഹാജരായത്.
