വാഷിങ്ടൺ: പ്രസിഡന്റ് തിരഞ്ഞെടുപ്പിന് മുന്നോടിയായി സി.ബി.എസ് ന്യൂസ് ചാനൽ നടത്തിയ അഭിമുഖത്തിൽ അവതാരകയുടെ ചോദ്യങ്ങൾ പക്ഷപാതപരമെന്ന് ആരോപിച്ച് ചാനലിൽ സംപ്രേക്ഷണം ചെയ്യുന്നതിന് മുമ്പ് തന്റെ അഭിമുഖം പുറത്തുവിട്ട് അമേരിക്കൻ പ്രസിഡന്റ് ഡൊണാൾഡ് ട്രംപ്. കടുകട്ടി ചോദ്യങ്ങൾ ചോദിക്കുന്നുവെന്ന് ചൂണ്ടിക്കാട്ടി ക്ഷുഭിതനായ ട്രംപ് '60 മിനിട്ട്' എന്ന അഭിമുഖ പരിപാടി പൂർത്തിയാക്കാൻ വിസമ്മതിച്ചു. തുടർന്ന് ചാനൽ തന്റെ അഭിമുഖം സംപ്രേക്ഷണം ചെയ്യും മുൻപ് ട്രംപ് വീഡിയോ പുറത്ത് വിടുകയായിരുന്നു.
ചാനലിന്റെയും അവതാരകയുടെയും പക്ഷപാതവും വദ്വേഷവും ധാർഷ്ട്യവും നിറഞ്ഞ നിലപാടുകൾ കാണൂ... എന്ന അടിക്കുറിപ്പോടെയാണ് ഈ വീഡിയോ പങ്കുവെച്ചിരിക്കുന്നത്.
ഡൊമോക്രാറ്റിക് സ്ഥാനാർഥി ജോ ബൈയ്ഡന് മൃദുവായ ചോദ്യങ്ങളാണ് മാധ്യമങ്ങൾ നൽകുന്നതെന്നും കടുത്ത ചോദ്യങ്ങൾ തന്നോട് മാത്രമാണ് മാധ്യമങ്ങൾ ഉന്നയിക്കുന്നതെന്നും ട്രംപ് ആരോപിക്കുന്നു.
