ന്യൂഡല്ഹി: കര്ഷിക നിയമങ്ങള്ക്കെതിരെ കര്ഷകര് നടത്തിയ ട്രാക്ടര് റാലി അക്രമസക്തമായതിന്റെ പശ്ചാത്തലത്തില് ഉന്നത തല യോഗം വിളിച്ച് ആഭ്യന്തര മന്ത്രാലയം. ആഭ്യന്തരമാന്ത്രി ഉദ്യോഗസ്ഥരുമായി സ്ഥിതിഗതികള് വിലയിരുത്തി. ആവശ്യമെങ്കില് രംഗത്തിറങ്ങനായിട്ട് അര്ദ്ധസൈനിക വിഭാഗങ്ങളോട് സജ്ജരായിരിക്കാന് നിര്ദേശം നല്കിയിട്ടുണ്ട് മന്ത്രാലയം.
സംഘര്ഷങ്ങളുടെ അടിസ്ഥാനത്തില് തലസ്ഥാനത്തെ ഇന്റര്നെറ്റ് ബന്ധം വിച്ഛേദിച്ചിരുന്നു. ഡല്ഹിയിലെ ക്രമസമാധാന പ്രശ്നം വളരെ ഗൗരവകരമായാണ് കേന്ദ്രം നോക്കി കാണുന്നത്. അതിനായി എന്ത് നടപടിയാണ് കേന്ദ്രം സ്വീകരിക്കുകയെന്ന് യോഗത്തിന് ശേഷം അറിയാന് കഴിയൂ.
കര്ഷകരുടെ സമരഭൂമിയായ സിംഘുവിലേക്ക് കര്ഷകര് മടങ്ങിവരാന് സംഘടനകള് നിര്ദേശം നല്കിയിട്ടുണ്ട്. ചെങ്കോട്ടയില് നിന്ന് കര്ഷകര് മടങ്ങിപോകാന് ആരംഭിച്ചെങ്കിലും ഒരു വലിയ വിഭാഗം കര്ഷകര് തിരിച്ചു പോകാന് തയ്യാറായിട്ടില്ല. കര്ഷക സംഘടനകള് തീരുമാനിച്ചിരുന്ന റൂട്ടില് നിന്ന് വ്യതിചലിച്ച് ഒരു വിഭാഗം കര്ഷകര് നടത്തിയ റാലിയും അക്രസക്തമായിരുന്നു. സംഘര്ഷത്തില് ഒരു കര്ഷകന് മരിച്ചു. മരിച്ച കര്ഷകന്റെ മൃതദേഹവുമായി ഐടിഒയില് പ്രതിഷേധിക്കുന്നുണ്ട്.
കര്ഷക റാലിക്കിടെ ഉണ്ടായ സംഘര്ങ്ങളെ സമരം നടത്തുന്ന കര്ഷക സംഘടനകള് അപലപിച്ചു. എന്നാല് പ്രതിഷേധം അട്ടിമറിക്കാന് ചിലര് പ്രതിഷേധത്തില് നുഴഞ്ഞുകയറി പ്രശ്നങ്ങള് സൃഷ്ടിച്ചെന്ന് കര്ഷക സംഘടനകള് ആരോപിച്ചു.
