യുഎന്: വാക്സിന് ദേശീയത അവസാനിപ്പിക്കണമെന്നും വാക്സിന് അന്തര്ദേശീയത പ്രോത്സാഹിപ്പിക്കണമെന്നും വിദേശകാര്യമന്ത്രി എസ് ജയശങ്കര്. ഇന്ത്യ നിലവില് 25 രാജ്യങ്ങളിലേക്ക് മെയ്ഡ് ഇന് ഇന്ത്യ വാക്സിന് കയറ്റുമതി പശ്ചാത്തലത്തിലാണ് അന്തരാഷ്ട്ര സമൂഹത്തിനോട് അദേഹത്തിന്റെ ആഹ്വാനം. യുഎന് സുരക്ഷാ സമിതിയെ അഭിസംബോധന ചെയ്ത് സംസാരിക്കുകയായിരുന്നു അദേഹം.
'വാക്സിന് ദേശീയത അവസാനിപ്പിക്കുക പകരം അന്തരാഷ്ട്രവാദത്തെ സജീവമായി പ്രോത്സാഹിപ്പിക്കുക. അമിത അളവില് ശേഖരിക്കുന്നത് കൂട്ടായ ആരോഗ്യ സുരക്ഷ കൈവരിക്കാനുള്ള ഞങ്ങളുടെ ശ്രമങ്ങളെ പരാജയപ്പെടുത്തും. ആഗോള ഏകോപിത ശ്രമത്തിന്റെ അഭാവം മൂലം മഹാമാരിയുടെ മാരകമായ ആഘാതം വഷളായതായി കഴിഞ്ഞ മാസം യുഎന് സെക്രട്ടറി ജനറല് അന്റോണിയോ ഗുട്ടറെസ് ആശങ്ക രേഖപ്പെടുത്തിയിരുന്നു. സര്ക്കാരുകളുടെ വാക്സിന് ദേശീയത സ്വയം പരാജയപ്പെടുത്തുന്നത് പോലെയാണ്. ഈ മഹാമാരിയില് നിന്നുള്ള ആഗോള വീണ്ടെടുക്കല് വൈകിപ്പിക്കും' അദേഹം പറഞ്ഞു.
മഹാമാരിയെക്കുറിച്ച് തെറ്റായ പ്രചാരണങ്ങള് അവസാനിപ്പിക്കണമെന്നും അദേഹം ആവശ്യപ്പെട്ടു. വാക്സിന് വിതരണവുമായി ബന്ധപ്പെട്ട് ആഗോള ഏകോപനത്തിന്റെ അഭാവം സംഘര്ഷബാധിത പ്രദേശങ്ങളെയും ദരിദ്ര രാജ്യങ്ങളെയും ബാധിക്കുമെന്നും ജയശങ്കര് ആശങ്ക പ്രകടിപ്പിച്ചു. പകര്ച്ചവ്യാധികളുടെ ആഘാതം കുറയ്ക്കുന്നതിനായി വാക്സിനുകള് ലഭ്യമാക്കുന്നതില് തുല്യത ഉറപ്പുവരുത്തണം. എല്ലാ രാജ്യങ്ങള്ക്കും തുല്യമായും ന്യായമായും വാക്സിന് ലഭ്യമാക്കാന് വാക്സിന് സംവിധാനം ശക്തിപ്പെടുത്തണമെന്നും ജയശങ്കര് ആവശ്യപ്പെട്ടു.
