തിരുവനന്തപുരം: ഇഎംസിസിയും പ്രതിപക്ഷ നേതാവുമായി ചേര്ന്ന് ഗൂഢാലോചന നടത്തുന്നുവെന്ന് സംശയിക്കുന്നതായി മന്ത്രി മേഴ്സിക്കുട്ടിയമ്മ. ആഴക്കടല് മത്സ്യബന്ധന വിവാദത്തില് പ്രിതകരിക്കുകായായിരുന്നു മന്ത്രി. ഇഎംസിസി പ്രതിനിധികളുമായി ചേര്ന്ന് മുഖ്യമന്ത്രിയെ കണ്ടില്ലെന്നും പ്രതിനിധികളുടെ നിലപാട് ദുരൂഹമാണെന്നും മന്ത്രി കൂട്ടിച്ചേര്ത്തു.
ആഴക്കടല് മത്സ്യബന്ധനത്തിലെ വിവാദ അമേരിക്കന് കമ്പനി പ്രതിനിധികള് മുഖ്യമന്ത്രിയെ കണ്ട് ചര്ച്ച നടത്തയെന്നായിരുന്നു പ്രതിപക്ഷ നേതാവിന്റെ ആരോപണം ഇതിനെതിരെയാണ് മന്ത്രി രംഗത്തെത്തിയിരിക്കുന്നത്. അതേസമയം കരാറുമായി ബന്ധപ്പെട്ട് രണ്ടു രേഖകള്കൂടി പ്രതിപക്ഷ നേതാവ് പുറത്തുവിട്ടിരുന്നു. ആഴക്കടല് മത്സ്യബന്ധനവുമായി ബന്ധപ്പെട്ട് ഒരു കരാറിലും ഒപ്പിട്ടില്ലെന്ന് മുഖ്യമന്ത്രി ആവര്ത്തിക്കുമ്പോഴാണ് ബോട്ട് നിര്മ്മിക്കുന്നതിന് വിദേശ കമ്പനിയുമായി ധാരണയായെന്ന പിആര്ഡിയുടെ പരസ്യം ഓര്മ്മിച്ചാണ് മുഖ്യമന്ത്രിയുടെ പ്രതിരോധം പ്രതിപക്ഷനേതാവ് തള്ളിയത്.
പരസ്യത്തിനൊപ്പം കൈഎസ്ഐഡിസിയുമായി ഇഎംസി ആഴക്കടല് മത്സ്യബന്ധനവുമായി ബന്ധപ്പെട്ട് ഒപ്പുവച്ച ധാരണപത്രവും ചേര്ത്തല പള്ളിപ്പുറത്ത് നാല് ഏക്കര് സ്ഥലവും അനുവദിച്ചുള്ള ഉത്തരവും ചെന്നിത്തല പുറത്ത് വിട്ടു. അതേസമയം ട്രോളറുകള് നിര്മ്മിക്കാന് ധാരണപത്രം ഒപ്പുവച്ച ഇന്ലാന്റ് നാവിഗേഷന് കോര്പ്പറേഷന് എംഡി എന് പ്രശാന്തിനെതിരെ സര്ക്കാര് നീങ്ങുകയാണ്. ആരോപണങ്ങള് തള്ളിയ സിപിഎം മത്സ്യത്തൊഴിലാളികള്ക്ക് വിരുദ്ധമായി ഒന്നും ചെയ്യില്ലെന്ന് വിശദീകരിച്ചു.
