എടപ്പാൾ: ആത്മാർത്ഥമായി രാഷ്ട്രസേവനം നടത്തണമെങ്കിൽ ബിജെപിയിൽ തന്നെ ചേരണമെന്ന് മെട്രോമാൻ ഇ ശ്രീധരൻ. ദേശസേവനത്തിന് ശേഷം കേരളത്തിൽ എന്തെങ്കിലും സേവനം ചെയ്യാമോ എന്നത് അനുസരിച്ചാണ് ബിജെപിയിൽ ചേരാൻ തീർച്ചപ്പെടുത്തിയതെന്നും പറഞ്ഞു. ബിജെപി സംസ്ഥാന അദ്ധ്യക്ഷന് കെ. സുരേന്ദ്രന് നടത്തുന്ന വിജയയാത്രയുടെ ഭാഗമായി ചങ്ങരം കുളത്ത് നടന്ന സമ്മേളനത്തില് സംസാരിക്കുകയായിരുന്നു.
തന്റെ ജീവിതത്തിലെ ഏറ്റവും വലിയ നിമിഷമാണ് ഇതെന്ന് ബിജെപി അംഗത്വം സ്വീകരിച്ച് ശ്രീധരന് പറഞ്ഞു. ജീവിതത്തില് പുതിയൊരു അദ്ധ്യായം തുറക്കുകയാണെന്നും 67 വര്ഷത്തെ ദേശ സേവനത്തിന് ശേഷം കേരളത്തില് എന്തെങ്കിലും സേവനം ചെയ്യാമോ എന്ന ആശയത്തിന്റെ അടിസ്ഥാനത്തിലാണ് ബിജെപിയില് ചേര്ന്നതെന്നും ശ്രീധരന് പറഞ്ഞു.
കഴിഞ്ഞ കുറേ വര്ഷക്കാലം സർക്കാറിൽ പല തസ്തികകളിൽ ജോലി ചെയ്തിട്ടുണ്ട്. 18 മാസം കൊണ്ട് പുതുക്കിപ്പണിയേണ്ട പാലാരിവട്ടം പാലം അഞ്ചര മാസം കൊണ്ട് പൂർത്തീകരിക്കുകയാണ്. ആ പണി അടുത്തയാഴ്ചയിൽ കഴിഞ്ഞ് പാലം തുറന്നു കൊടുക്കും. ബിജെപിയില് ചേരാന് തീര്ച്ചപ്പെടുത്തിയതിന് കാരണം ആത്മാര്ത്ഥമായി രാജ്യത്തെ സേവിക്കണമെങ്കില് ബിജെപി തന്നെ വേണമെന്ന ചിന്തയുടെ ഭാഗമാണെന്നും പറഞ്ഞു.
വിജയയാത്രയുടെ മലപ്പുറം ജില്ലാ സമാപന സമ്മേളനത്തിലാണ് ശ്രീധരൻ ബിജെപിയിൽ ചേർന്നത്. ബിജെപി സംസ്ഥാന അധ്യക്ഷൻ കെ സുരേന്ദ്രൻ ശ്രീധരനെ ഹാരമണിയിച്ച് സ്വീകരിച്ചു. വരുന്ന നിയമസഭാ തെരഞ്ഞെടുപ്പിൽ ശ്രീധരൻ ബിജെപി സ്ഥാനാര്ത്ഥിയായി മത്സരിച്ചേക്കുമെന്നാണ് സൂചന.
