കൊച്ചി: ഡോളർ കടത്തു കേസിൽ സ്വപ്ന നൽകിയ മൊഴികളുടെ അടിസ്ഥാനത്തിൽ ഉന്നതരെ ചോദ്യം ചെയ്തേക്കും. ഇതുമായി ബന്ധപ്പെട്ട് കഴിഞ്ഞദിവസം ഹൈക്കോടതിയിൽ കസ്റ്റംസ് പത്രിക സമർപ്പിച്ചിരുന്നു. ഇതിൽ പരാമർശിക്കപ്പെട്ടവരെ ചോദ്യം ചെയ്യണമെന്ന നിലപാടിലാണു കസ്റ്റംസ്.
ഇതിൽ സംസ്ഥാന രാഷ്ട്രീയത്തിലെ ഉന്നതരും മക്കളും ഉൾപെടുമെന്നും ഇവരെ ചോദ്യം ചെയ്യാൻ കസ്റ്റംസ് പ്രിവന്റീവ് വിഭാഗം തയാറെടുക്കുന്നതായും പ്രമുഖ മാധ്യമം റിപ്പോർട്ട് ചെയ്തു. മുഖ്യമന്ത്രി, സ്പീക്കർ, 3 മന്ത്രിമാർ എന്നിവർക്കു ഡോളർ കടത്തിൽ ബന്ധമുണ്ടെന്നാണു പത്രികയിൽ പറഞ്ഞിരിക്കുന്നത്.
അതെ സമയം, കസ്റ്റംസ് കഴിഞ്ഞദിവസം ഹൈക്കോടതിയിൽ നൽകിയ പത്രികയിലെ വെളിപ്പെടുത്തലുകൾ വിവാദം സൃഷ്ടിച്ചുവെങ്കിലും ഉന്നതരിടപെട്ടുവെന്നു പറയുന്ന ഡോളർ കടത്തിൽ ഇതുവരെ ഒക്കറൻസ് റിപ്പോർട്ട് പോലും കോടതിയിൽ കസ്റ്റംസ് സമർപ്പിച്ചിട്ടില്ല.
