കഴിഞ്ഞ വർഷം ഒക്ടോബറിലാണ് അമേരിക്കൻ ടെക് ഭീമനായ ഗൂഗിളിന്റ പിക്സൽ 4a ഇന്ത്യൻ വിപണിയിലെത്തിയത്. 31,999 രൂപയായിരുന്നു ഫോണിന്റെ വില. റിപ്പോർട്ട് പ്രകാരം പിക്സൽ 4aയുടെ വില ഇപ്പോൾ കുറഞ്ഞു. ഇ-കോമേഴ്സ് വെബ്സൈറ്റ് ആയ ഫ്ലിപ്കാർട്ടിൽ ഇപ്പോൾ നടക്കുന്ന ബിഗ് സേവിങ് ഡേയ്സ് സെയ്ലിൽ 5,000 രൂപ ഡിസ്കൗണ്ടിൽ ഗൂഗിൾ പിക്സൽ 4a ലഭിക്കും. ഫ്ലിപ്കാർട്ട് ബിഗ് സേവിങ് ഡേയ്സ് സെയ്ൽ ഈ മാസം ഏഴാം തിയതി വരെയുണ്ട്. ഗൂഗിൾ പിക്സൽ 4a 26,999 രൂപയ്ക്ക് സ്വന്തമാക്കാം. മാത്രമല്ല, എച്ഡിഎഫ്സി ബാങ്ക് ക്രെഡിറ്റ് കാർഡ് ഉപയോഗിച്ച് ഗൂഗിൾ പിക്സൽ 4a വാങ്ങുമ്പോൾ 1000 രൂപ ഇൻസ്റ്റന്റ് ക്യാഷ്ബാക്ക് ആയി ലഭിക്കും.
ഗൂഗിൾ പിക്സൽ 4a ജെറ്റ് ബ്ലാക്ക് എന്ന ഒരൊറ്റ കളർ ഓപ്ഷനിൽ മാത്രമേ വാങ്ങാനാവൂ. കഴിഞ്ഞ 2020 ഒക്ടോബറിൽ വില്പനക്കെത്തിയ പിക്സൽ 4 മോഡലിൽ നിന്നുള്ള ഒരു പിടി ഫീച്ചറുകൾ ആൻഡ്രോയിഡ് 10 അടിസ്ഥാനമായി പ്രവർത്തിക്കുന്ന ഗൂഗിൾ പിക്സൽ 4a-യിൽ ഇടം പിടിച്ചിട്ടുണ്ട്. ന്യൂ ഗൂഗിൾ അസിസ്റ്റന്റ് ഫീച്ചർ പ്രീ-ബിൽറ്റ് ആയി ചേർത്തിട്ടുണ്ട്. ആപ്പുകളും ടെക്സ്റ്റ് മെസ്സേജുകൾ എളുപ്പത്തിലും വേഗത്തിലും കൈകാര്യം ചെയ്യാൻ ഇത് സഹായിക്കും.
18W ഫാസ്റ്റ് ചാർജിംഗിനെ പിന്തുണയ്ക്കുന്ന 3,140mAh ബാറ്ററിയാണ് പിക്സൽ 4a-യിൽ. ഗൂഗിൾ പിക്സൽ 4a-യ്ക്ക് 128 ജിബി ഓൺബോർഡ് സ്റ്റോറേജ് ഉണ്ട്. ഇത് വർദ്ധിപ്പിക്കാൻ സാധിക്കില്ല. ഒക്ട-കോർ ക്വാൽകോം സ്നാപ്ഡ്രാഗൺ 730G SoC പ്രോസസറും 6 ജിബി LPDDR4x റാമും ചേർന്നതാണ് കരുത്ത്. 5.81 ഇഞ്ച് ഫുൾ എച്ച്ഡി+ (1,080x2,340 പിക്സൽ) ഒഎൽഇഡി ഡിസ്പ്ലേയാണ് ഗൂഗിൾ പിക്സൽ 4a-യ്ക്ക്. 19.5:9 ആസ്പെക്ട് റേഷ്യോയും 443 പിപിഐ പിക്സൽ ഡെൻസിറ്റിയും, എച്ഡിആർ സപ്പോർട്ടും ഈ ഡിസ്പ്ലേയ്ക്കുണ്ട്.
ഗൂഗിൾ പിക്സൽ 4a-യ്ക്ക് എഫ്/1.7 ലെൻസും എൽഇഡി ഫ്ലാഷ് മൊഡ്യൂളുമുള്ള 12 മെഗാപിക്സൽ ക്യാമറയാണ് ലഭിക്കുന്നത്. പോർട്രെയിറ്റ് മോഡ്, ടോപ്പ് ഷോട്ട്, ഡ്യുവൽ എക്സ്പോഷർ കണ്ട്രോൾ, നൈറ്റ് സൈറ്റ്, ഫ്യൂസ് ചെയ്ത വീഡിയോ ഫീച്ചറുകളുള്ള പ്രധാന കാമറ എച്ച്ഡിആർ+ പിന്തുണയ്ക്കുന്നു. കൃത്യതയുള്ള ഫോട്ടോകളും വിഡിയോകളും ലഭിക്കാൻ ഒപ്റ്റിക്കൽ ഇമേജ് സ്റ്റെബിലൈസേഷനും (OIS) ഉണ്ട്. സെൽഫികൾക്കായി, ഫോണിന് മുൻവശത്ത് എഫ് / 2.0 ലെൻസുള്ള 8 മെഗാപിക്സൽ ക്യാമറയമുണ്ട്. 4ജി വോൾട്ടേ, വൈ-ഫൈ 802.11 എസി, ബ്ലൂടൂത്ത് വി 5.0, ജിപിഎസ് / എ-ജിപിഎസ്, എൻഎഫ്സി, യുഎസ്ബി ടൈപ്പ്-സി, 3.5 എംഎം ഹെഡ്ഫോൺ ജാക്ക് എന്നിവയാണ് കണക്ടിവിറ്റി ഓപ്ഷനുകൾ.
